2025 жылдың қаңтар айында Қазақстанда бала туғанда берілетін жәрдемақы 33,7 мың адамға төленіп, жалпы сома 6 миллиард теңгені құрады. Жәрдемақы мөлшері жылдың басынан бастап 6,5%-ға индекстелгенін атап өткен жөн, деп хабарлайды Shalqar.kz.

2025 жылы бала тууына арналған жәрдемақы мөлшерлері келесідей өзгерді:
 • Бірінші, екінші және үшінші балаға – 38 АЕК немесе 149 416 теңге;
 • Төртінші және одан кейінгі балаларға – 63 АЕК немесе 247 716 теңге.

Бала 1,5 жасқа толғанға дейін оның күтіміне байланысты төленетін жәрдемақы мөлшерлері ай сайын келесі көлемде белгіленді:
 • Бірінші балаға – 5,76 АЕК немесе 22 648 теңге;
 • Екінші балаға – 6,81 АЕК немесе 26 777 теңге;
 • Үшінші балаға – 7,85 АЕК немесе 30 866 теңге;
 • Төртінші және одан кейінгі балаларға – 8,90 АЕК немесе 34 995 теңге.

Мұндай өзгерістер халықтың әлеуметтік жағдайын жақсартуға бағытталған маңызды қадам болып табылады.