2025 jılı QR Mädeniet jäne aqparat ministrligi men Azamattıq bastamalardı qoldau ortalığınıñ qoldauımen «Qazaqstanda tötenşe jağdaylar salasındağı volonterlikti damıtu» attı joba jüzege asırıldı, dep habarlaydı Shalqar.kz.

Joba twraqtı volonterlerdi dayındau jäne üylestiru jüyesin qwruğa bağıttalğan jäne tötenşe jağdaylarğa jedel äreket etu mümkindigin arttırudı közdeydi.

Joba ayasında 3 mıñnan astam is-şara ötkizildi. Twraqtı damu maqsattarı boyınşa 7 mekteptik volonterlik klub qwrılıp, 100 oquşı qatıstı. Qauip-qaterlerdiñ aldın alu jwmısın küşeytu üşin Almatı, Atırau, Qostanay oblıstarı men Jetisu jäne Abay öñirleriniñ pedagogtarı arnayı dayarlıqtan ötip, mektepterde qauipsizdik sabaqtarı, evakuaciyalıq jattığular jäne tötenşe jağdaylardı azaytu boyınşa sabaqtar ötkize bastadı.

Sonımen qatar, Tötenşe jağdaylar departamenti men Wlttıq front-ofispen birlese otırıp, is-qimıldı üylestirudi jaqsartuğa jäne azamattardı tötenşe jağdaylardıñ aldın alu şaralarına tartuğa bağıttalğan praktikalıq jattığular men is-şaralar wyımdastırıldı. Mobil'di volonterlik toptar qwrılıp, eriktiler bazası jañartılıp, jüyelendirildi. Jaña derekterge säykes, 442 volonter tötenşe jağdaylardıñ saldarın joyuğa dayın.

Aymaqtıq bastamalardı ıntalandıru maqsatında 10 million teñge somasına şağın granttar konkursı ötkizildi. Nätijesinde 10 jeñimpaz öñirlerde tötenşe jağdaylar salasındağı volonterlikti damıtuğa bağıttalğan jobalardı jüzege asırdı.