قر ۇلتتىق مۋزەيىندە E-museum پورتالىنىڭ پرەزەنتاتسيياسى وتتى. جوبا ەلىمىزدەگى مۋزەيلەردىڭ بىرىڭعاي تسيفرلىق كەڭىستىگىن قالىپتاستىرۋ ماقساتىندا, مەملەكەت باسشىسى ايقىنداعان مىندەتتەر اياسىندا جۇزەگە اسىرىلدى, دەپ حابارلايدى Shalqar.kz مادەنيەت جانە اقپارات مينيسترلىگىنە سىلتەمە جاساپ.

قازاقستان رەسپۋبليكاسى پرەمьەر-مينيسترىنىڭ ورىنباسارى — مادەنيەت جانە اقپارات مينيسترى ايدا بالاەۆا مۋزەي سالاسى ەلدىڭ مادەني-رۋحاني دامۋى مەن تاريحي مۇراسىن ساقتاۋ ۇشىن ەرەكشە ماڭىزدى ەكەنىن اتاپ وتتى.

ونىڭ ايتۋىنشا, بۇگىندە جاھاندانۋ مەن تسيفرلاندىرۋ ۇدەرىسى مادەنيەت سالاسىنا دا جاڭا تالاپتار جۇكتەپ وتىر. وسى ورايدا مەملەكەت باسشىسى مادەني مۇرانى تسيفرلاندىرۋعا ەرەكشە كوڭىل بولەتىنى دە سوز ەتىلدى.

— ۇلتتىق مۇرامىزدى ساقتاۋ, عىلىمي اينالىمعا ەنگىزۋ جانە كەڭ اۋديتوريياعا قولجەتىمدى ەتۋ — مەملەكەتىمىزدىڭ مادەني ساياساتىنىڭ باسىم باعىتتارىنىڭ بىرى. مۋزەي سالاسىن تسيفرلاندىرۋ ونىڭ حالىقارالىق دەڭگەيدە تانىلۋىنا جانە ناسيحاتتالۋىنا ەرەكشە اسەر ەتەرى سوزسىز, — دەدى ايدا بالاەۆا.

قازىرگى كەزدە قازاقستاندا 280-دەن استام رەسپۋبليكالىق, وڭىرلىك مۋزەي جانە مۋزەي-قورىقتار جۇمىس ىستەيدى. مۋزەي قورلارىندا 4,5 ميلليوننان استام ەكسپونات ساقتالعان. مۋزەيلەرگە جىل سايىن 6 ميلليوننان استام ادام كەلەدى. E-museum پورتالى ەلىمىزدەگى مۋزەي قورلارىن بىرىڭعاي تسيفرلىق پلاتفورماعا بىرىكتىرەدى. جوبا مادەني قۇندىلىقتاردى عىلىمي تۇرعىدا سيپاتتاۋدى جانە حالىقارالىق مادەني كەڭىستىكتە تانىستىرۋدى ماقسات ەتەدى. 

سونىمەن قاتار, بۇل پورتال شەتەلدىك مۋزەيلەرمەن, عىلىمي ورتالىقتارمەن جانە مادەني ۇيىمدارمەن اقپاراتتىق جانە عىلىمي ىنتىماقتاستىقتى دامىتۋعا ىقپال ەتەدى. جوبا كەزەڭ-كەزەڭىمەن جۇزەگە اسىرىلىپ, ناقتى ناتيجەلەر كورسەتتى. 2023 جىلى جۇيەگە 33 مۋزەي قوسىلدى. 15 مىڭنان استام مۋزەي ەكسپوناتى تسيفرلىق فورماتقا كوشىرىلدى. 50 ۇشولشەمدى مودەلь جاسالدى. 2024 جانە 2025 جىلدار قورىتىندىسى بويىنشا جۇيەگە ەلىمىزدىڭ مەملەكەتتىك مۋزەيلەرى تولىق ەندى. جۇيەگە قازاقستاننىڭ بارلىق 20 وڭىرىنەن 252 مۋزەي قوسىلدى. تسيفرلىق كاتالوگقا 66 مىڭنان استام مۋزەي قورىنىڭ بىرلىگى ەندى. 750 ۇشولشەمدى مودەلь ازىرلەندى. كورەرمەنگە ارنالعان مۋزەي ەكسپوزيتسييالارىنان تۇراتىن 15 ۆيرتۋالدى تۋر بار. جوبا وڭىرلىك مۋزەيلەردىڭ الەۋەتىن ارتتىرىپ, قاشىقتىققا قاراماستان مادەني مۇرانى قولجەتىمدى ەتۋگە مۇمكىندىك بەرەدى. E-museum جوباسىنىڭ دامۋى قازاقستاننىڭ حالىقارالىق مادەني يميدجىن نىعايتۋعا سەپ بولادى.