QR Wlttıq muzeyinde E-museum portalınıñ prezentaciyası ötti. Joba elimizdegi muzeylerdiñ birıñğay cifrlıq keñistigin qalıptastıru maqsatında, Memleket basşısı ayqındağan mindetter ayasında jüzege asırıldı, dep habarlaydı Shalqar.kz Mädeniet jäne aqparat ministrligine silteme jasap.

Qazaqstan Respublikası Prem'er-ministriniñ orınbasarı — mädeniet jäne aqparat ministri Aida Balaeva muzey salası eldiñ mädeni-ruhani damuı men tarihi mwrasın saqtau üşin erekşe mañızdı ekenin atap ötti.

Onıñ aytuınşa, büginde jahandanu men cifrlandıru üderisi mädeniet salasına da jaña talaptar jüktep otır. Osı orayda Memleket basşısı mädeni mwranı cifrlandıruğa erekşe köñil böletini de söz etildi.

— Wlttıq mwramızdı saqtau, ğılımi aynalımğa engizu jäne keñ auditoriyağa qoljetimdi etu — memleketimizdiñ mädeni sayasatınıñ basım bağıttarınıñ biri. Muzey salasın cifrlandıru onıñ halıqaralıq deñgeyde tanıluına jäne nasihattaluına erekşe äser eteri sözsiz, — dedi Aida Balaeva.

Qazirgi kezde Qazaqstanda 280-den astam respublikalıq, öñirlik muzey jäne muzey-qorıqtar jwmıs isteydi. Muzey qorlarında 4,5 millionnan astam eksponat saqtalğan. Muzeylerge jıl sayın 6 millionnan astam adam keledi. E-museum portalı elimizdegi muzey qorların birıñğay cifrlıq platformağa biriktiredi. Joba mädeni qwndılıqtardı ğılımi twrğıda sipattaudı jäne halıqaralıq mädeni keñistikte tanıstırudı maqsat etedi. 

Sonımen qatar, bwl portal şeteldik muzeylermen, ğılımi ortalıqtarmen jäne mädeni wyımdarmen aqparattıq jäne ğılımi ıntımaqtastıqtı damıtuğa ıqpal etedi. Joba kezeñ-kezeñimen jüzege asırılıp, naqtı nätijeler körsetti. 2023 jılı jüyege 33 muzey qosıldı. 15 mıñnan astam muzey eksponatı cifrlıq formatqa köşirildi. 50 üşölşemdi model' jasaldı. 2024 jäne 2025 jıldar qorıtındısı boyınşa jüyege elimizdiñ memlekettik muzeyleri tolıq endi. Jüyege Qazaqstannıñ barlıq 20 öñirinen 252 muzey qosıldı. Cifrlıq katalogqa 66 mıñnan astam muzey qorınıñ birligi endi. 750 üşölşemdi model' äzirlendi. Körermenge arnalğan muzey ekspoziciyalarınan twratın 15 virtualdı tur bar. Joba öñirlik muzeylerdiñ äleuetin arttırıp, qaşıqtıqqa qaramastan mädeni mwranı qoljetimdi etuge mümkindik beredi. E-museum jobasınıñ damuı Qazaqstannıñ halıqaralıq mädeni imidjin nığaytuğa sep boladı.