«بولاشاق» باعدارلاماسى اياسىندا باكالاۆريات دەڭگەيىندە وقۋعا ارنالعان جاڭا باعىت ىسكە قوسىلادى, دەپ حابارلايدى Shalqar.kz. حالىقارالىق باعدارلامالار ورتالىعىندا مەكتەپ تۇلەكتەرىنە ارنالعان ستيپەنديياعا ىرىكتەۋدىڭ نەگىزگى شارتتارى تۇسىندىرىلدى. 

ورتالىقتىڭ مالىمەتىنشە, جاڭا باعىت دارىندى مەكتەپ تۇلەكتەرىن قولداۋعا جانە زيياتكەرلىك الەۋەتتىڭ شەتەلگە كەتۋىنىڭ الدىن الۋعا باعىتتالعان. 

جاڭا باعىت بويىنشا بارلىعى 20 شاكىرتاقى بولۋ جوسپارلانىپ وتىر.

— ىرىكتەۋگە تەك سوڭعى ۇش جىل ىشىندە جالپى بىلىم بەرەتىن پاندەر بويىنشا حالىقارالىق وليمپيادالاردىڭ, عىلىمي جوبالارعا ارنالعان حالىقارالىق كونكۋرستاردىڭ نەمەسە حالىقارالىق ورىنداۋشىلار بايقاۋلارىنىڭ I–III دارەجەلى ديپلومدارىن يەلەنگەن قازاقستان رەسپۋبليكاسىنىڭ ازاماتتارى قاتىسا الادى, — دەپ ناقتىلادى حالىقارالىق باعدارلامالار ورتالىعىندا.