2025 جىلى مەملەكەتتىك قولداۋ ارقىلى تۇسىرىلگەن «Qaitadan» فيلьمى قازاقستاندىق كينويندۋستريياداعى ەڭ تابىستى كارتينالاردىڭ قاتارىنا ەندى, دەپ حابارلايدى Shalqar.kz. فيلьم پروكاتتان 1 ميلليارد تەڭگەدەن استام تابىس جينادى. تۋىندى مەملەكەت جۇمساعان قاراجاتتى تولىق قايتارىپ قانا قويماي, ونى بەس ەسە ارتتىردى. بۇل جەتىستىك مەملەكەتتىك قولداۋدىڭ ناتيجەلى بولعانىن ايقىنداپ, كورەرمەننىڭ وتاندىق كينوعا دەگەن سەنىمىن نىعايتا تۇستى. مەملەكەت باسشىسىنىڭ تاپسىرماسى بويىنشا قر مادەنيەت جانە اقپارات مينيسترلىگى «كينەماتوگرافييا تۋرالى» زاڭعا وزگەرىستەر مەن تولىقتىرۋلار ەنگىزۋ جۇمىستارىن جۇرگىزۋدە. بۇل تۇزەتۋلەر فيلьمدەردى پروكاتقا دەيىنگى ساراپتاۋ راسىمىن جەتىلدىرۋگە جانە ۇلتتىق فيلьمدەردىڭ ساپاسىن ارتتىرۋعا باعىتتالعان.

جىلدىڭ ماڭىزدى جەتىستىكتەرىنىڭ بىرى – «قازاقفيلьم» كينوستۋديياسىنا مەملەكەتتىك قولداۋدىڭ قايتا جاندانۋى. ستۋدييا قازاق كينوسىنىڭ التىن قورىن قالپىنا كەلتىرۋ شارالارىن جالعاستىرۋدا.

سونىمەن قاتار ستۋدييا عيماراتتارىن جاڭارتۋ جۇمىستارى باستالدى. سوڭعى 15 جىلدا العاش رەت جوندەۋ جۇمىستارى جەكەمەنشىك سەكتوردىڭ قاتىسۋىمەن جۇزەگە استى.

جوبا تولىقتاي جەكە قاراجات ەسەبىنەن جۇرگىزىلدى.

ۇلتتىق كينونى قولداۋ مەملەكەتتىك ورتالىعى جارييالاعان كونكۋرس ناتيجەسىندە 16 جاڭا جوبا جەڭىمپاز اتاندى. ولاردىڭ قاتارىندا تاريحي جانە پاتريوتتىق تاقىرىپتارعا ارنالعان فيلьمدەر بار.

2025 جىلى پروكاتقا 10 وتاندىق فيلьم شىقتى. ولاردىڭ قاتارىندا «90+1», «تارلان», «يگرومانكا», «كاپيتان بايتاسوۆ», «Qaitadan», «التىن ادام» انيماتسييالىق فيلьمى جانە باسقا دا تۋىندىلار بار.

«Qaitadan» فيلьمىنىڭ رەجيسسەرى دۋمان ەركىمبەك مەملەكەتتىك قولداۋدىڭ ماڭىزىن اتاپ وتتى.

«Qaitadan» فيلьمى اقتاۋدا وتكەن «قورقىت اتا» فەستيۆالىن اشتى. سونىمەن قاتار ريمدە وتكەن قازاقستان كينوسى اپتالىعىنىڭ بىرىنشى كۇنى كورسەتىلدى. بۇدان بولەك, مەن جاس رەجيسسەرلەر مەن پروديۋسەرلەرگە ارنالعان شانحاي ىنتىماقتاستىق ۇيىمى باعدارلاماسى اياسىندا قىتايدا تاعىلىمدامادان وتۋ مۇمكىندىگىنە يە بولدىم. جاس بۋىنعا كورسەتىلەتىن مەملەكەتتىك قولداۋ جاڭا ماقساتتارعا جول اشىپ, قازاقستاندىق كينونىڭ جاڭا دەڭگەيدە دامۋىنا مۇمكىندىك بەرەدى»,– دەدى ول.

وتاندىق «باۋىرىنا سالۋ», «شاتىرداعى ەكەۋ», «پريانيكي دليا ەە وتتسا, موەگو پرادەدا, ەە دەدا», «پوبەديتەلەي ۆيدنو نا ستارتە» جانە باسقا دا فيلьمدەر اقش, رەسەي, فرانتسييا, يتالييا, قىتاي جانە وزگە ەلدەردە وتكەن حالىقارالىق كينوفەستيۆالьدەرگە ۇسىنىلىپ, 30-دان استام بەدەلدى ماراپاتقا يە بولدى.

اكتەر باقىت قاجىباەۆتىڭ جەتىستىگىن دە ەرەكشە اتاپ وتكەن جون. ول شىۇ ەلدەرىنىڭ كينوفەستيۆالىندە «ۇزدىك اكتەر» نوميناتسيياسىن يەلەندى. فەستيۆالь قىتايدىڭ چۋنتسين قالاسىندا وتتى, وندا اكتەر «نابات وپەراتسيياسى» فيلьمىندەگى رولى ۇشىن ماراپاتتالدى.

تامىز ايىندا قازاقستان تسينداو قالاسىندا وتكەن شىۇ ەلدەرىنىڭ كينو اپتالىعىنا قاتىستى. باعدارلاماعا «وبۋچەنيە ادەموكي» جانە «اعايىندىلار» فيلьمدەرى ەندى.

قازاقستان كينوسىنىڭ كۇندەرى 15-تەن استام ەلدە وتتى. اتاپ ايتساق, گرەكييا, قىرعىزستان, البانييا, فرانتسييا, نورۆەگييا, يتالييا, چەحييا, جاپونييا, تۇركييا, سينگاپۋر, ازەربايجان, رەسەي, بەلьگييا, وزبەكستان جانە باسقا دا مەملەكەتتەردە وتاندىق كينو كورسەتىلدى.