الماتىدا "قىز ەركەم, اناسىمەن كوركەم!" اتتى قالالىق بايقاۋ وتتى. سەگىزىنشى ناۋرىز مەرەكەسىنە ورايلاستىرىلعان بايقاۋعا الماتى قالاسىنىڭ تەحنيكالىق جانە كاسىپتىك بىلىم بەرۋ ۇيىمدارىنىڭ ستۋدەنتتەرى مەن ولاردىڭ انالارى قاتىسىپ, وز شەبەرلىكتەرى مەن دارىندارىن كورسەتتى.

       الماتى تەحنولوگييالىق كوللەدجىنىڭ اكت زالىندا وتكەن بۇل شارا, جۇمىسشى ماماندىقتارى جىلى اياسىندا «بىرتۇتاس تاربيە» باعدارلاماسى مەن «باقىتتى وتباسى» جوباسىنا نەگىزىزدەلدى.

   شارا ماقساتى - اناسى مەن قىزى اراسىنداعى تىعىز بايلانىس پەن ونەرىن پاش ەتە وتىرىپ, قازاق وتباسىنداعى قارىم-قاتىناس, ۇلتتىق سالت-داستۇر, ۇلتتىق تاربيە قۇندىلىقتارىن دارىپتەۋ.

   قاتىسۋشىلار تورت كەزەڭ بويىنشا ونەرلەرىن ورتاعا سالدى. ۇلتتىق ناقىشتاعى كيىمممەن وزىن-وزى تانىستىرۋ,قولونەر شەبەرلىگىن كورسەتۋ, قازاق حالقىنىڭ ۇمىت بولا باستاعان سالت-داستۇرلەرىنە قاتىستى سۇراقتارعا جاۋاپ بەرۋ جانە انا مەن قىزدىڭ ونەر كورسەتۋ سايىستارى بويىنشا باق سىناستى.

    بايقاۋعا قاتىسۋشىلار ونەرىن حالىقارالىق «جاناشىر» قورىنىڭ پرەزيدەنتى  جاڭىل اپەتوۆا, اۋەزوۆ اتىنداعى اكادەمييالىق تەاتر اكتريساسى, تەلەجۇرگىزۋشى, قازاقستاننىڭ ەڭبەك سىڭىرگەن قايراتكەرى شىنار اسقاروۆا, «باقىتتى ۇيا» قوعامدىق قورىنىڭ پرەزيدەنتى ايگەرىم بايداحمەتوۆا, ۇلتتىق يندۋسترييا,تۋريزم قاۋىمداستىعىنىڭ پرەزيدەنتى راۋشان شامىل, قازاقستان جازۋشىلار كىتاپحاناسىڭىڭ قىزمەتكەرى ەلانا اعايسا سيياقتى تانىمال تۇلعالاردان قۇرالعان قازىلار القاسى باعالادى.  

   بايقاۋعا قاتىسۋشى انالار مەن قىزدار ۇلكەن دايىندىقپەن كەلگەندەرىن كورسەتتى. قازاقتىڭ ۇلتتىق رەكۆيزيتتەرىن ساحنا كورىنىستەرىنە پايدالانۋ, ۇلتتىق قولونەر بۇيىمدارىن جاساپ اكەلىپ جانە ونىڭ جاسالۋ جولىن كورسەتۋ, ۇمىت بولا باستاعان ۇلتتىق تاعامداردى ازىرلەپ كەلىپ, كورەرمەنگە شىن مانىندەگى قازاق سالتىنان حابار بەردى. شارادان كورەرمەننىڭ الارى, ۇيرەنەرى كوپ بولدى.

  «قىز ەركەم, اناسىمەن كوركەم» بايقاۋىن داستۇرلى تۇردە وز كوللەدجىمىزدە وتكىزۋشى ەدىك. ەندى ونى قالالىق دەڭگەيگە كوتەرىپ وتىرمىز. شاراعا قاتىسۋعا قالانىڭ 10-نان اسا مەملەكەتتىك كوللەدجدەرى وتىنىش بىلدىردى.مۇنىڭ جاس ۇرپاققا بەرەر تالىمى مەن ونەگەسى مول» - دەيدى الماتى تەحنولوگييالىق كوللەدجىنىڭ ديرەكتورى ەرۇلان قاراعۇلوۆ.

 بايقاۋ ناتيجەسى بويىنشا, قازىلار القاسىنىڭ شەشىمىممەن 1-ورىن – الماتى تەحنولوگييالىق كوللەدجى, 2-ورىن – الماتى مەملەكەتتىك بيزنەس كوللەدجى, 3-ورىن – الماتى ەنەرگەتيكا جانە ەلەكتروندى تەحنولوگييالار كوللەدجى قاتىسۋشىلارىنا بەرىلىپ, قالالىق بىلىم باسقارماسىنىڭ العىسحاتى مەن باعالى سىيلىقتارمەن ماراپاتتالدى.  سونىمەن قاتار, شارانىڭ بىرنەشە قاتىسۋشىسى ارنايى اتالىمدار بويىنشا ماراپتتالدى.

    قالالىق بايقاۋدى ۇيىمداستىرۋدى جاۋاپكەرشىلىگىنە الىپ, جوعارى دەڭگەيدە وتۋىنە اتسالىسقان الماتى تەحنولوگييالىق كوللەدجىنىڭ ديرەتور ورىنباسارلارى گۇلنار جۇنىسبەكقىزى مەن ايدا سۇلتانقىزىنىڭ ەڭبەگىن ەرەكەشە اتاۋعا بولادى.

   تاعىلىمى مول مۇنداي شارالاردى رەسپۋبليكالىق دەڭگەيدە تاراتىپ جاتسا, قازاق ۇلتىنىڭ ونەگەلى ۇرپاعىن قالىپتاستىرۋعا ۇلكەن سەبەپ بولار ەدى.