Almatıda "Qız erkem, anasımen körkem!" attı qalalıq bayqau ötti. Segizinşi naurız merekesine oraylastırılğan bayqauğa Almatı qalasınıñ tehnikalıq jäne käsiptik bilim beru wyımdarınıñ studentteri men olardıñ anaları qatısıp, öz şeberlikteri men darındarın körsetti.

       Almatı tehnologiyalıq kolledjiniñ akt zalında ötken bwl şara, jwmısşı mamandıqtarı jılı ayasında «Birtwtas tärbie» bağdarlaması men «Baqıttı otbası» jobasına negizizdeldi.

   Şara maqsatı - anası men qızı arasındağı tığız baylanıs pen önerin paş ete otırıp, qazaq otbasındağı qarım-qatınas, wlttıq salt-dästür, wlttıq tärbie qwndılıqtarın däripteu.

   Qatısuşılar tört kezeñ boyınşa önerlerin ortağa saldı. Wlttıq naqıştağı kiimmmen özin-özi tanıstıru,qolöner şeberligin körsetu, qazaq halqınıñ wmıt bola bastağan salt-dästürlerine qatıstı swraqtarğa jauap beru jäne ana men qızdıñ öner körsetu sayıstarı boyınşa baq sınastı.

    Bayqauğa qatısuşılar önerin Halıqaralıq «Janaşır» qorınıñ prezidenti  Jañıl Äpetova, Äuezov atındağı akademiyalıq teatr aktrisası, telejürgizuşi, Qazaqstannıñ eñbek siñirgen qayratkeri Şınar Asqarova, «Baqıttı Wya» qoğamdıq qorınıñ prezidenti Äygerim Baydahmetova, Wlttıq industriya,turizm qauımdastığınıñ prezidenti Rauşan Şämil, Qazaqstan Jazuşılar kitaphanasıñıñ qızmetkeri Elana Ağaysa siyaqtı tanımal twlğalardan qwralğan qazılar alqası bağaladı.  

   Bayqauğa qatısuşı analar men qızdar ülken dayındıqpen kelgenderin körsetti. Qazaqtıñ wlttıq rekvizitterin sahna körinisterine paydalanu, wlttıq qolöner bwyımdarın jasap äkelip jäne onıñ jasalu jolın körsetu, wmıt bola bastağan wlttıq tağamdardı äzirlep kelip, körermenge şın mänindegi qazaq saltınan habar berdi. Şaradan körermenniñ aları, üyreneri köp boldı.

  «Qız erkem, anasımen körkem» bayqauın dästürli türde öz kolledjimizde ötkizuşi edik. Endi onı qalalıq deñgeyge köterip otırmız. Şarağa qatısuğa qalanıñ 10-nan asa memlekettik kolledjderi ötiniş bildirdi.Mwnıñ jas wrpaqqa berer tälimi men önegesi mol» - deydi Almatı tehnologiyalıq kolledjiniñ direktorı Erwlan Qarağwlov.

 Bayqau nätijesi boyınşa, qazılar alqasınıñ şeşimimmen 1-orın – Almatı tehnologiyalıq kolledji, 2-orın – Almatı memlekettik biznes kolledji, 3-orın – Almatı energetika jäne elektrondı tehnologiyalar kolledji qatısuşılarına berilip, Qalalıq Bilim basqarmasınıñ Alğıshatı men bağalı sıylıqtarmen marapattaldı.  Sonımen qatar, şaranıñ birneşe qatısuşısı arnayı atalımdar boyınşa marapttaldı.

    Qalalıq bayqaudı wyımdastırudı jauapkerşiligine alıp, joğarı deñgeyde ötuine atsalısqan Almatı tehnologiyalıq kolledjiniñ diretor orınbasarları Gülnar Jünisbekqızı men Aida Swltanqızınıñ eñbegin erekeşe atauğa boladı.

   Tağılımı mol mwnday şaralardı respublikalıq deñgeyde taratıp jatsa, qazaq ültınıñ önegeli wrpağın qalıptastıruğa ülken sebep bolar edi.