Қазақстанда 5 наурыз күні таңғы 03:00-ден кешкі 17:00-ге дейін телерадио хабарларын тарату уақытша тоқтатылады, деп хабарлайды Shalqar.kz.

“Қазтелерадио” компаниясының мәліметінше, бұл кезеңде жерсеріктік, цифрлық және аналогтық эфирлік желілердің техникалық құралдарына жоспарлы-профилактикалық жұмыстар жүргізіледі.

Бұл нені білдіреді?
Жөндеу жұмыстары барысында ел аумағында барлық телевизиялық және радиоарналар уақытша қолжетімсіз болады.

Компания өкілдері уақытша қолайсыздықтар үшін халықтан кешірім сұрап, бұл жұмыстар сапалы әрі тұрақты хабар тарату үшін қажет екенін атап өтті.