Qazaqstannıñ körnekti memleket jäne qoğam qayratkeri, üş märte Socialistik Eñbek Eri, diplomat, akademik Dinmwhamed Ahmetwlı Qonaevtıñ tuğanına 114 jıl toluına oray Almatı qalasında tarihi twlğanıñ eskertkişine gül şoqtarın qoyu räsimi ötti, dep habarlaydı Shalqar.kz.

Tağzım etu şarasına Dinmwhamed Ahmetwlınıñ qızmettesteri men tuğan-tuıstarı, memleket jäne qoğam qayratkerleri, joğarı oqu orındarınıñ studentteri, sonday-aq qala twrğındarı men qonaqtarı qatıstı.

İs-şara ayasında «Ğılım ordası» atınan Dinmwhamed Qonaevqa qatıstı barlıq resmi qwjattar D. A.Qonaev muzeyiniñ qorına tabıstaldı. Bwl qwndı mwra wlı twlğanıñ sayasi, ğılımi jäne qoğamdıq qızmetin tereñirek zerdeleuge mümkindik beredi.

Odan bölek tarihi twlğanıñ atı berilgen Almatı oblısınıñ äkimşilik ortalığı — Qonaev qalasında Dinmwhamed Ahmetwlı eskertkişine gül şoqtarın qoyu räsimi ötti. Eske alu şarasına oblısı äkimdiginiñ ökilderi, mädeniet salasınıñ ökilderi, qwqıq qorğau organdarınıñ qızmetkerleri jäne qala twrğındarı qatıstı.

Eske salayıq, 1912 jıldıñ 12 qañtarında asa körnekti memleket jäne qoğam qayratkeri, üş märte Socialistik Eñbek Eri, Qazaq KSR Ğılım akademiyasınıñ akademigi, tehnika ğılımdarınıñ doktorı Dinmwhamed Ahmetwlı QONAEV düniege kelgen.