قازاقستاندىق كينوگەرلەر ۇشىن ۇلكەن مۇمكىندىك! «ۇلتتىق كينونى قولداۋ مەملەكەتتىك ورتالىعى» 2025 جىلى ۇلتتىق فيلьم مارتەبەسىن الۋعا ۇمىتتى كينوجوبالارعا كونكۋرس جارييالادى, دەپ حابارلايدى Shalqar.kz تىلشىسى سىرتقى ىستەر مينيسترلىگىنە سىلتەمە جاساپ.

كونكۋرس قالاي وتەدى?

ىرىكتەۋ ەكى كەزەڭنەن تۇرادى:

- بىرىنشى كەزەڭ – فيلьم ستسەنارييلەرى نەمەسە ستسەناريي جوسپارلارىن قاراستىرۋ.
- ەكىنشى كەزەڭ – ساراپتاما كەڭەسى تاڭداعان جوبالاردىڭ قۇجاتتارىن جيناقتاۋ.

كونكۋرستىڭ بىرىنشى كەزەڭىنە قاتىسۋ ۇشىن ۇمىتكەرلەر كەلەسى قۇجاتتاردى تاپسىرۋى قاجەت:
 • فيلьم ستسەنارييى نەمەسە ستسەناريي جوسپارى (PDF فورماتىندا);
 • وتىنىم (ورتالىقتىڭ تالاپتارىنا سايكەس);
 • اۆتورلىق شارت;
 • جەكە كۋالىكتىڭ كوشىرمەسى;
 • وتىنىش بەرۋشى مەن ستسەناريي اۆتورى اراسىنداعى الدىن الا كەلىسىمشارت.

ماڭىزدى: بىر وتىنىش بەرۋشى تەك 2 ستسەناريي ۇسىنا الادى (ويىن, انيماتسييالىق, دەرەكتى-حرونيكالى فيلьمدەر بويىنشا).

- قۇجاتتار 5-13 ناۋرىز ارالىعىندا قابىلدانادى (12 ناۋرىز, 23:59-عا دەيىن).

مادەنيەت جانە اقپارات مينيسترى ايدا بالاەۆا بۇل كونكۋرستىڭ اشىق ارى ادىل وتەتىنىن اتاپ وتتى:

“كونكۋرسقا قاتىستى بارلىق اقپارات مينيسترلىكتىڭ جانە ورتالىقتىڭ رەسمي سايتىندا جارييالانادى. سونىمەن قاتار, كينو ورتالىعى جانىنان كەڭەس بەرۋ قىزمەتى ىسكە قوسىلدى. بيىلعى كينوجوبالارعا ارنالعان باسىم تاقىرىپتار تىزىمى دە الدىن الا جارييالانعان. كينوگەرلەر ساپالى تۋىندىلار ازىرلەيدى دەپ سەنەمىز.”

كونكۋرسقا كىمدەر قاتىسا الادى?

ىرىكتەۋگە قاتىسۋ ۇشىن ۇمىتكەرلەردىڭ سالىق بەرەشەگى بولماۋى جانە بانكروتتىق راسىمگە تارتىلماۋى قاجەت.