قىزىلوردا وبلىسىنداعى بىرقاتار اۋىلدار الكوگولьدەن تۇبەگەيلى باس تارتىپ, قىلمىستى نولگە دەيىن ازايتۋعا قول جەتكىزدى. سولاردىڭ بىرى – وزگەنت اۋىلى, وندا ىشىمدىك ساتىلمايتىنىنا 10 جىلعا جۋىق ۋاقىت بولدى, دەپ حابارلايدى Shalqar.kz.

وزگەنت اۋىلىندا اراق-شاراپتىڭ ورنىن تابيعي سۇت ونىمدەرى باسقان. دۇكەن يەلەرى تۇرعىنداردىڭ سۇرانىسىن ەسكەرىپ, كاسىپتەرىن جاڭا باعىتتا دامىتقان. كاسىپكەر زييادا يادىگاروۆا ىشىمدىك ساتۋدى توقتاتقاننان كەيىن تابىس ازايماعانىن, كەرىسىنشە, دۇكەنىنىڭ كەڭەيگەنىن ايتادى.

“اۋىل اقساقالدارىنىڭ ۇسىنىسىن قابىلداپ, اراق ساتۋدى دوعاردىم. بىراق بۇل كاسىبىمە كەرى اسەرىن تيگىزگەن جوق, كەرىسىنشە, تابىسىم ارتتى”, – دەيدى ول.

اۋىل تۇرعىندارى نەگىزىنەن ەگىن جانە مال شارۋاشىلىعىمەن اينالىسادى. سوڭعى 10 جىلدا اۋىلدا بىردە-بىر دۇكەن الكوگولь ساتپايدى. سونىڭ ارقاسىندا وزگەنت اۋدانداعى ەڭ ۇزدىك اۋىلداردىڭ قاتارىنا ەندى.

بۇگىندە 1800-دەن استام تۇرعىنى بار اۋىلدا بارلىق كوشەگە اسفالьت توسەلگەن, جاڭا مادەنيەت ۇيى سالىنىپ, سپورتتىق الاڭدار كوبەيگەن.

“سوڭعى 5 جىلدا اۋىلدا بىردە-بىر قىلمىس تىركەلمەگەن. مال ۇرلىعى دا, وزگە قۇقىقبۇزۋشىلىقتار دا مۇلدە جوق”, – دەيدى ۋچاسكەلىك پوليتسييا ينسپەكتورى سۇيىندىك اسىلباەۆ.

وبلىستىق پروكۋراتۋرانىڭ دەرەگى بويىنشا, قىزىلوردا وبلىسىنداعى 49 اۋىلدا سوڭعى ەكى جىلدا قىلمىس بولماعان. ال 18 اۋىل ىشىمدىك ساتۋدان تولىقتاي باس تارتقان.