Äbilhan Qasteev atındağı Memlekettik öner muzeyinde körnekti suretşi Oral Tañsıqbaevtıñ 120 jıldığına arnalğan erekşe körme aşıldı. Bwl şara beyneleu öneriniñ üzdik ökiline degen qwrmet retinde wyımdastırıldı. Körme Özbekstan Respublikasınıñ mädeniet jäne önerdi damıtu qorı men Qazaqstan Respublikasınıñ Mädeniet jäne aqparat ministrliginiñ qoldauımen ötti, dep habarlaydı Shalqar.kz.

Ekspoziciyada suretşiniñ erekşe stilin, şığarmaşılıq mwrasın jäne wlttıq keskindemeniñ damuına qosqan zor ülesin körsetetin 74 tuındı wsınıldı. Körmeniñ aşılu saltanatına Qazaqstannıñ Mädeniet jäne aqparat ministri Aida Balaeva, Özbekstan Respublikası Prezidentiniñ kömekşisi Saida Mirzieeva, Almatı qalasınıñ äkimi Erbolat Dosaev jäne eki eldiñ öner qayratkerleri qatıstı.

Aida Balaeva öziniñ sözinde, Oral Tañsıqbaevtıñ öneri eki eldiñ arasındağı mädeni baylanıstı nığaytuğa ülken üles qosqanın atap ötip, onıñ tuındıları Özbekstannıñ tabiğatın şınayı äri joğarı deñgeyde beynelegenin ayttı. «Oral Tañsıqbaev pen Äbilhan Qasteev – eki wlı suretşi. Olar öz elderinde wlttıq keskindeme mektebiniñ qalıptasuına eleuli ıqpal jasap, keyingi buınğa ülken äser qaldırdı», – dedi ministr.

Öz kezeginde, Saida Mirzieeva körmeni wyımdastıruşılarğa alğıs bildirip, Qazaqstan men Özbekstannıñ mädeniet salasındağı ıntımaqtastığınıñ mañızdılığın söz etti. Körme biılğı jıldıñ mausım ayına deyin aşıq boladı. Sonımen qatar, Özbekstan Wlttıq baletiniñ gastrol'deri men Oral Tañsıqbaevtıñ körmesi Astanada da ötetin boladı.