الەمدەگى ەڭ بەدەلدى وقۋ ورىندارىنىڭ بىرى – گارۆارد ۋنيۆەرسيتەتى – الەۋمەتتىك جاعىنان از قامتىلعان وتباسىلاردىڭ بالالارى ۇشىن بىلىمدى تولىقتاي تەگىن ەتەتىنىن مالىمدەدى. CNN اگەنتتىگىنىڭ حابارلاۋىنشا, 2025 وقۋ جىلىنان باستاپ جىلدىق تابىسى 200 مىڭ دوللاردان اسپايتىن وتباسىلاردىڭ بالالارى ۋنيۆەرسيتەتتە اقىسىز بىلىم الۋ مۇمكىندىگىنە يە بولادى, دەپ حابارلايدى Shalqar.kz.

بۇل باستاما اياسىندا ستۋدەنتتەر تەك وقۋ اقىسىنان عانا ەمەس, جاتىن ورنى, مەديتسينالىق ساقتاندىرۋ, جول جۇرۋ شىعىندارى سيياقتى باسقا دا قارجىلىق مىندەتتەمەلەردەن بوساتىلادى. ايتا كەتەيىك, قازىرگى ۋاقىتتا گارۆاردتا بىلىم الۋ قۇنى جىلىنا 83 مىڭ دوللاردى قۇرايدى.

گارۆارد ۋنيۆەرسيتەتى 2004 جىلدان بەرى الەۋمەتتىك جاعدايى تومەن ستۋدەنتتەردى قولداۋعا باعىتتالعان تۇرلى باعدارلامالاردى جۇزەگە اسىرىپ كەلەدى. جاڭا شەشىم – بىلىمگە ۇمتىلعان جاستار ۇشىن ۇلكەن مۇمكىندىك.