استانادا قازاق حالقىنىڭ باي مۋزىكالىق جانە فولьكلورلىق مۇراسىن قامتيتىن «اسىل مۇرا» اۋديوجيناعىنىڭ تانىستىرىلىمى وتتى. سالتاناتتى شاراعا مەملەكەتتىك كەڭەسشى ەرلان قارين قاتىستى, دەپ حابارلايدى Shalqar.kz تىلشىسى سىرتقى ىستەر مينيسترلىگىنە سىلتەمە جاساپ.

«قازاقستان» رەسپۋبليكالىق تەلەراديوكورپوراتسيياسى مەن «Ozen» مۋزىكالىق لەيبلى بىرلەسىپ دايىنداعان بۇل جوبا – ۇلتتىق ونەرىمىزدى جاھاندىق دەڭگەيدە ناسيحاتتاۋعا ارنالعان ماڭىزدى قادام. «اسىل مۇرا» – حالىقارالىق ستريمينگتىك پلاتفورمالاردا ەڭ كوپ جۇكتەلگەن جانە كەڭ تارالعان وتاندىق مۋزىكا جيناعىنىڭ بىرىنە اينالدى.

جيناققا قازاقتىڭ مۋزىكالىق مۇراسى مەن حالىق اۋىز ادەبيەتىنىڭ اسىل ۇلگىلەرى ەنگەن:
 • 400 كۇي — قازاق كۇي ونەرىنىڭ ىنجۋ-مارجاندارى
 • 300 جىر-تەرمە — حالقىمىزدىڭ ومىرى مەن تاريحىن جىرلاعان تۋىندىلار
 • 400 حالىق انى جانە حالىق كومپوزيتورلارىنىڭ شىعارمالارى
 • 100 ەرتەگى — ۇلتتىق فولьكلوردىڭ اجىراماس بولىگى
 • 50 بەسىك جىرى — ۇرپاق تاربيەسىندەگى مانى زور اندەر
 • 250 رەترو حيت — وتكەن عاسىردىڭ جۇرەكتەردەن ورىن العان اندەرى

ەڭ باستىسى, جيناقتاعى شىعارمالاردىڭ باسىم بولىگى تۇپنۇسقا ورىنداۋدا ساقتالعان. بۇل تىڭدارمانعا قازاق مۋزىكاسىنىڭ شىنايى بولمىسىن سەزىنۋگە مۇمكىندىك بەرەدى.


1500 تاڭداۋلى اۋديوجازبا Apple Music, Spotify, Yandex Music, YouTube Music سەكىلدى الەمنىڭ 100-دەن استام تانىمال پلاتفورماسىندا قولجەتىمدى. سونىمەن قاتار, جيناقتى «قازاقستان» تەلەراديوكورپوراتسيياسىنىڭ altynqor.com سايتىنان تىڭداۋعا بولادى.

«اسىل مۇرا» — بۇل ۇلتتىق ونەرىمىزدىڭ زاماناۋي فورماتتا جاڭعىرۋى. تسيفرلىق كەڭىستىكتە قازاقتىڭ رۋحاني مۇراسىن دارىپتەۋگە ارنالعان بىرەگەي جوبا.