Astanada qazaq halqınıñ bay muzıkalıq jäne fol'klorlıq mwrasın qamtitın «Asıl mwra» audiojinağınıñ tanıstırılımı ötti. Saltanattı şarağa Memlekettik keñesşi Erlan Qarin qatıstı, dep habarlaydı Shalqar.kz tilşisi Sırtqı İster ministrligine silteme jasap.

«Qazaqstan» respublikalıq teleradiokorporaciyası men «Ozen» muzıkalıq leyblı birlesip dayındağan bwl joba – wlttıq önerimizdi jahandıq deñgeyde nasihattauğa arnalğan mañızdı qadam. «Asıl mwra» – halıqaralıq strimingtik platformalarda eñ köp jüktelgen jäne keñ taralğan otandıq muzıka jinağınıñ birine aynaldı.

Jinaqqa qazaqtıñ muzıkalıq mwrası men halıq auız ädebietiniñ asıl ülgileri engen:
 • 400 küy — qazaq küy öneriniñ inju-marjandarı
 • 300 jır-terme — halqımızdıñ ömiri men tarihın jırlağan tuındılar
 • 400 halıq äni jäne halıq kompozitorlarınıñ şığarmaları
 • 100 ertegi — wlttıq fol'klordıñ ajıramas böligi
 • 50 besik jırı — wrpaq tärbiesindegi mäni zor änder
 • 250 retro hit — ötken ğasırdıñ jürekterden orın alğan änderi

Eñ bastısı, jinaqtağı şığarmalardıñ basım böligi tüpnwsqa orındauda saqtalğan. Bwl tıñdarmanğa qazaq muzıkasınıñ şınayı bolmısın sezinuge mümkindik beredi.


1500 tañdaulı audiojazba Apple Music, Spotify, Yandex Music, YouTube Music sekildi älemniñ 100-den astam tanımal platformasında qoljetimdi. Sonımen qatar, jinaqtı «Qazaqstan» teleradiokorporaciyasınıñ altynqor.com saytınan tıñdauğa boladı.

«Asıl mwra» — bwl wlttıq önerimizdiñ zamanaui formatta jañğıruı. Cifrlıq keñistikte qazaqtıñ ruhani mwrasın däripteuge arnalğan biregey joba.