Автор: ADMIN
ШӘКӘРІМ
Талап деген бiр жүйрiк тұлпар сынды‚
Бабын таппай мiнгендi қылар жынды.
Тауға ұра ма басыңды, тасқа ұра ма,
Ал ендi оған кiсi қайтiп мiндi?
Талап шапса ақылға мiнiп алып,
Жақсы, жаман – бәрiне бiрдей салып.
Еш нәрсе одан құтылмас жетпей қалып.
Талап деген ындынмен ентелемек,
Ойға алып, қызыққанын қылсам демек.
Ойланып оны ақылға салса керек.
Тапқыш ой ғой ақылдың мағынасы,
Түбi – жүрек, болады мида басы.
Талаптың алты түрлi бар ноқтасы.
Ынсап, рахым, ар, ұят, сабыр, сақтық
– Талапқа алты түрлi ноқта тақтық.
Өзгесiнiң тiзгiнiн соған ұстаттық.
Ынсап деген аспайды, кем қалмайды,
Орнын таппай ол, сiрә, қозғалмайды.
Адамға қаттылықты ойға алмайды.
Ар демек – адамшылық, намыс деген,
Арың кетпес жағыңа қарыс деген.
Терiс ұғып жүрмесiн мұны бiреу,
Сөз емес күншiл болып, алыс деген.
Намыс сол – өзiң қорлан кемдiгiңе,
Құрбыңмен ұмтылып бақ теңдiгiңе.
Соқтықпай өзiң iздеп еңбегiңе.
Ұят сол – аулақта ұял көргендей-ақ‚
Ұрлаған малың шығып, бергендей-ақ.
Орынсызды iстеуге өлгенше ұял,
«Ұят күштi өлiмнен» дегендей-ақ.
Сабыр деген – әр iске шыдамдылық,
Қатты керек адамға бұл бiр қылық.
Қолы жетпей талай жан iзденедi,
Сақтық деген – әрқашан байқап жүрмек,
Пайда ма, не залал ма, ескерiлмек.
Көргенiн, естiгенiн есепке алса,
Сонда оңай әрбiр iстi ойлап бiлмек.
Ойменен, талаппенен болды сегiз,
Айтылмай ендi қалды неменемiз?
Сабыр, сақтық, ой, талап болмаған жан
Анық төмен болмай ма хайуаннан.
Басқалармен бөлісе отырыңыз
Пікірлер
Басты жаңалықтар
ШӘКӘРІМ
ŞÄKÄRİM
Jeti qazınağa neler jatadı? Jeti Irıs degenimiz ne?
Последние новости
Qara sözder (17-qara söz)
قارا سوزدەر (17-قارا سوز)
ŞÄKÄRİM
