Qazaqstan Respublikasınıñ Qorğanıs ministrligi Wlı Otan soğısındağı Jeñistiñ 80 jıldığına oray ardagerler men tıl eñbekkerlerin marapattau josparların jariyaladı, dep habarlaydı Shalqar.kz.

Mereytoy ayasında elimizde birqatar äskeri-patriottıq is-şaralar ötedi. Qorğanıs ministrligi maydanda erlik körsetken batırlardı eske alıp, erekşe közge tüsken äskeri qızmetkerlerdi qwrmetteuge basa nazar audarıp otır.

Ministrliktiñ mälimetinşe, biıl Jeñistiñ 80 jıldığına arnalğan estelik medal' 42 mıñ qazaqstandıqqa tabıstaladı. Bwl marapat, eñ aldımen, soğıs jäne tıl ardagerlerine arnalmaq.

– Biz soğıs ardagerleri men tıl eñbekkerlerin memlekettik merekelerde qwttıqtaudı dästürge aynaldırdıq. Sonımen qatar, qaza tapqan jauıngerlerdiñ erligin wmıtpay, olardıñ esimderin mäñgi este qaldıruğa bağıttalğan şaralardı jüyeli türde jüzege asırıp kelemiz, – dep habarladı Qorğanıs ministrligi.

Merekege oray 7-9 mamır künderi elimizdiñ tükpir-tükpirinde türli is-şaralar wyımdastırıladı. Sonımen qatar, Astanada Jeñistiñ 80 jıldığına arnalğan äskeri parad ötetini belgili boldı.