Кино

Автор: ADMIN

Кино

Следуй за нами

26

Жұмат Шанин туралы жаңа телехикая: Ұлттық театр тарихының құпиялары ашылады

news single

Қазақстандық көрермендерге ұлттық өнер мен мәдениет тарихына арналған жаңа тарихи-драмалық телехикая ұсынылмақ. «Қазақстан» телерадиокорпорациясы қазақ театрының 100 жылдығына орай «Шам түбіндегі шындық» атты үш бөлімді сериалды көрермен назарына ұсынады, деп хабарлайды Shalqar.kz.

Телехикаяда 1925 жылы Қызылордада іргесі қаланған тұңғыш ұлттық қазақ театрының тарихы баяндалады. Сондай-ақ, театрдың Алматыға қоныс аудару кезеңіндегі атақты режиссер Жұмат Шаниннің еңбегі ерекше көрсетіледі.

Көрермендер 1927 жылы Мәскеуде өткен этнографиялық концертте қазақ зиялыларының өнер көрсету сәттерін тамашалап, Қалыбек Қуанышбаев, Әміре Қашаубаев, Күләш Байсейітова, Серке Қожамқұлов сынды тұлғалардың рөлін сомдаған актерлердің шеберлігіне тәнті бола алады.

Телехикаяның режиссері – Жасұлан Пошанов. Ал басты рөлді Ғалым Оспанов (жас кезі) және Азамат Есқұлов (есейген кезі) сомдайды. Сондай-ақ, көрермендер Серке Қожамқұлов рөліндегі Жандәулет Батайды, Әміре Қашаубаев рөліндегі Біржан Бәзілжановты, Қалыбек Қуанышбаевты сомдаған Алмас Шаяхметовты, ал Күләш Байсейітова бейнесіндегі Инабат Ризабекованы тамашалай алады.

Басқалармен бөлісе отырыңыз
Пікірлер

Все новости


Международное интернет-издание "Shalqar kz"
Подписка на важную информацию международного интернет-издания "Shalqar kz" Будьте в курсе последних новостей Ваша электронная почта подписаться