Qazaqstandıq körermenderge wlttıq öner men mädeniet tarihına arnalğan jaña tarihi-dramalıq telehikaya wsınılmaq. «Qazaqstan» teleradiokorporaciyası qazaq teatrınıñ 100 jıldığına oray «Şam tübindegi şındıq» attı üş bölimdi serialdı körermen nazarına wsınadı, dep habarlaydı Shalqar.kz.

Telehikayada 1925 jılı Qızılordada irgesi qalanğan twñğış wlttıq qazaq teatrınıñ tarihı bayandaladı. Sonday-aq, teatrdıñ Almatığa qonıs audaru kezeñindegi ataqtı rejisser Jwmat Şaninniñ eñbegi erekşe körsetiledi.

Körermender 1927 jılı Mäskeude ötken etnografiyalıq koncertte qazaq ziyalılarınıñ öner körsetu sätterin tamaşalap, Qalıbek Quanışbaev, Ämire Qaşaubaev, Küläş Bayseyitova, Serke Qojamqwlov sındı twlğalardıñ rölin somdağan akterlerdiñ şeberligine tänti bola aladı.

Telehikayanıñ rejisseri – Jaswlan Poşanov. Al bastı röldi Ğalım Ospanov (jas kezi) jäne Azamat Esqwlov (eseygen kezi) somdaydı. Sonday-aq, körermender Serke Qojamqwlov rölindegi Jandäulet Bataydı, Ämire Qaşaubaev rölindegi Birjan Bäziljanovtı, Qalıbek Quanışbaevtı somdağan Almas Şayahmetovtı, al Küläş Bayseyitova beynesindegi Inabat Rizabekovanı tamaşalay aladı.