بۇگىن بۇكىل مۇسىلمان قاۋىمى ۇشىن ەرەكشە كۇن – قاسيەتتى ورازا ايت مەرەكەسى. بۇل – رۋحاني جاڭعىرۋ, بىرلىك پەن مەيىرىمدىلىك مەيرامى. وسى اتاۋلى كۇنگە وراي قازاقستان پرەزيدەنتى قاسىم-جومارت توقاەۆ ەل حالقىن قۇتتىقتاپ, ىزگى تىلەگىن جولدادى, دەپ حابارلايدى Shalqar.kz.

“قادىرلى وتانداستار!

ورازا ايت مەيرامى قۇتتى بولسىن!

تاتۋلىق پەن باۋىرمالدىق, جاقسىلىق پەن يگىلىك سالتانات قۇراتىن وسى قاستەرلى مەرەكەنىڭ بارشا مۇسىلمان قاۋىمى ۇشىن مان-ماڭىزى ايرىقشا.

رامازان ايىندا يماندىلىققا, رۋحاني تازارۋعا ۇمتىلعان جۇرتىمىز ايت كۇنى اق داستارحان جايىپ, قوناقجايلىق كورسەتەدى. بىر-بىرىنە ىزگى تىلەگىن ارنايدى. مۇقتاج جاندارعا كومەك قولىن سوزىپ, قامقورلىق تانىتادى. سول ارقىلى ادامگەرشىلىك قۇندىلىقتار قوعامىمىزدا تەرەڭ ورنىعا تۇسەدى.

ورازا ايت مەرەكەسىنىڭ تاعىلىمى اتا سالتىمىزبەن تەرەڭ ساباقتاسىپ جاتىر. بىزدىڭ دىنىمىز دە, داستۇرىمىز دە ازاماتتاردى بىرلىك پەن ىنتىماققا ۇندەيدى, وزارا سىيلاس بولۋعا شاقىرادى. وسى قاسيەتتەرىمىز باردا حالقىمىزدىڭ ادىلەتتى, قاۋىپسىز, تازا ارى قۋاتتى قازاقستاندى قۇرۋ تۋرالى ارمان-مۇراتى ورىندالاتىنىنا كامىل سەنىمدىمىن.

بارشاڭىزعا باق-بەرەكە تىلەيمىن! ار شاڭىراققا قۇت-بەرەكە دارىسىن!
ايت قابىل بولسىن, اعايىن!”– دەدى مەملەكەت باسشىسى.

ورازا ايت – ادامداردىڭ بىر-بىرىنە مەيىرىم تانىتىپ, جاقىندارىن قۋانتۋعا, ىزگى امالدار جاساۋعا ۇمتىلاتىن ساتى. بۇل كۇنى داستارحاندار جايىلىپ, يگى داستۇرلەر جاندانادى. مەرەكەنىڭ شاپاعاتى ار شاڭىراققا شۋاق سىيلاپ, ەلىمىزگە ىنتىماق پەن بەرەكە اكەلسىن!