2026 جىلعى 4 قاراشادا جارييالانعان QS Asia University Rankings 2027 حالىقارالىق رەيتينگىنە سايكەس, قازاقستاننىڭ ۇش جوعارى وقۋ ورنى ازيياداعى ۇزدىك 100 ۋنيۆەرسيتەتتىڭ قاتارىنا ەندى.

قازاقستان رەسپۋبليكاسى عىلىم جانە جوعارى بىلىم مينيسترلىگىنىڭ مالىمەتىنشە, رەيتينگتە ەلىمىزدىڭ مىنا ۋنيۆەرسيتەتتەرى جوعارى ناتيجە كورسەتتى:  ال-فارابي اتىنداعى قازاق ۇلتتىق ۋنيۆەرسيتەتى – 46-ورىن;  ل.ن. گۋميلەۆ اتىنداعى ەۋرازييا ۇلتتىق ۋنيۆەرسيتەتى – 62-ورىن;  Satbayev University – 89-ورىن.

وسىلايشا, قازاقستان ورتالىق ازييا ەلدەرى اراسىندا كوشباسشىلىق ورنىن ساقتاپ, ۇزدىك جۇزدىككە ۇش ۋنيۆەرسيتەتىن ەنگىزگەن وڭىردەگى جالعىز مەملەكەت اتاندى.

بيىلعى رەيتينگكە ازييانىڭ 26 ەلى مەن اۋماعىنان 1 722 جوعارى وقۋ ورنى قاتىستى. قازاقستاننان 51 ۋنيۆەرسيتەت تىزىمگە ەنگەن. بۇل وتكەن جىلمەن سالىستىرعاندا جەتى ۋنيۆەرسيتەتكە ارتىق. سونىمەن قاتار, Nazarbayev University وز كورسەتكىشىن 62 ساتىعا جاقسارتىپ, 139-ورىنعا تۇراقتادى. وسىلايشا, ازييانىڭ ۇزدىك 200 ۋنيۆەرسيتەتىنىڭ قاتارىنا قوسىلدى. QS Asia University Rankings رەيتينگى جوعارى وقۋ ورىندارىن اكادەمييالىق بەدەل, جۇمىس بەرۋشىلەر اراسىنداعى تانىمالدىق, عىلىمي-زەرتتەۋ قىزمەتى, حالىقارالىق ىنتىماقتاستىق جانە اكادەمييالىق ۇتقىرلىق سيياقتى 11 كورسەتكىش بويىنشا باعالايدى. بۇل ناتيجە قازاقستاننىڭ جوعارى بىلىم بەرۋ جۇيەسىنىڭ حالىقارالىق دەڭگەيدە تانىلىپ, ازييانىڭ اكادەمييالىق كەڭىستىگىندەگى پوزيتسيياسىنىڭ نىعايىپ كەلە جاتقانىن كورسەتەدى.