Автор: ADMIN
توقاەۆ حالىقارالىق «قازاق تىلى» قوعامىنىڭ X قۇرىلتايىندا سوز سويلەدى,- دەپ حابارلايدى “Shalqar.kz”.
استانا, 10 قاراشا. قازاقستان پرەزيدەنتى قاسىم-جومارت توقاەۆ حالىقارالىق «قازاق تىلى» قوعامىنىڭ X قۇرىلتايىنا قاتىسىپ, مەملەكەتتىك تىلدىڭ مارتەبەسىن نىعايتۋ مەن ونى دامىتۋ ماسەلەلەرىنە توقتالدى. مەملەكەت باسشىسى انا تىلى ماسەلەسى مەملەكەتتىك, ساياسي جانە ۇلتتىق ماڭىزى بار تاقىرىپ ەكەنىن اتاپ وتتى. ونىڭ ايتۋىنشا, قازاق تىلىنىڭ ابىروي-بەدەلىن ارتتىرۋ – بۇكىل قوعامعا ورتاق مىندەت.
پرەزيدەنت «قازاق تىلى» قوعامىنىڭ مەملەكەتتىك تىلدىڭ دامۋىنا قوسىپ كەلە جاتقان ۇلەسىن جوعارى باعالادى. سونداي-اق 1989 جىلى اكادەميكتەر ابدۋالي قايدار مەن ومىرزاق ايتبايۇلىنىڭ باستاماسىمەن قۇرىلعان ۇيىمنىڭ تاريحي ماڭىزىن اتاپ وتتى.
قاسىم-جومارت توقاەۆ قازاق تىلىن تسيفرلىق كەڭىستىكتە دامىتۋعا ەرەكشە نازار اۋداردى. اتاپ ايتقاندا, ۇلتتىق تسيفرلىق دەرەكتەر قورىن قالىپتاستىرۋ, ارحيۆتەر مەن كىتاپحانالارداعى قازاقتىلدى مۇرالاردى تسيفرلاندىرۋ جانە كوپتىلدى سوزدىكتەر ازىرلەۋ قاجەتتىگىن ايتتى.
سونىمەن قاتار پرەزيدەنت قازاق تىلىندەگى ساپالى تسيفرلىق كونتەنتتى كوبەيتىپ, بالالار مەن جاستارعا ارنالعان بىلىم بەرۋ ونىمدەرىن دامىتۋ ماڭىزدى ەكەنىن جەتكىزدى. مەملەكەت باسشىسى قازاق تىلىنىڭ بولاشاعى ۇشىن مەملەكەت پەن قوعام بىرلەسە جۇمىس ىستەۋى كەرەكتىگىن اتاپ وتتى.
Басқалармен бөлісе отырыңыз
Пікірлер
Басты жаңалықтар
Toqaev Halıqaralıq «Qazaq tili» qoğamınıñ X qwrıltayında söz söyledi,- dep habarlaydı “Shalqar.kz”.
