2026 jılğı 4 qaraşada jariyalanğan QS Asia University Rankings 2027 halıqaralıq reytingine säykes, Qazaqstannıñ üş joğarı oqu ornı Aziyadağı üzdik 100 universitettiñ qatarına endi.

Qazaqstan Respublikası Ğılım jäne joğarı bilim ministrliginiñ mälimetinşe, reytingte elimizdiñ mına universitetteri joğarı nätije körsetti:  Äl-Farabi atındağı Qazaq wlttıq universiteti – 46-orın;  L.N. Gumilev atındağı Euraziya wlttıq universiteti – 62-orın;  Satbayev University – 89-orın.

Osılayşa, Qazaqstan Ortalıq Aziya elderi arasında köşbasşılıq ornın saqtap, üzdik jüzdikke üş universitetin engizgen öñirdegi jalğız memleket atandı.

Biılğı reytingke Aziyanıñ 26 eli men aumağınan 1 722 joğarı oqu ornı qatıstı. Qazaqstannan 51 universitet tizimge engen. Bwl ötken jılmen salıstırğanda jeti universitetke artıq. Sonımen qatar, Nazarbayev University öz körsetkişin 62 satığa jaqsartıp, 139-orınğa twraqtadı. Osılayşa, Aziyanıñ üzdik 200 universitetiniñ qatarına qosıldı. QS Asia University Rankings reytingi joğarı oqu orındarın akademiyalıq bedel, jwmıs beruşiler arasındağı tanımaldıq, ğılımi-zertteu qızmeti, halıqaralıq ıntımaqtastıq jäne akademiyalıq wtqırlıq siyaqtı 11 körsetkiş boyınşa bağalaydı. Bwl nätije Qazaqstannıñ joğarı bilim beru jüyesiniñ halıqaralıq deñgeyde tanılıp, Aziyanıñ akademiyalıq keñistigindegi poziciyasınıñ nığayıp kele jatqanın körsetedi.