الەمگە تانىمال قازاق عالىمى, فيزيك ارى ونەرتاپقىش مانات ماۋلەنبايۇلى اقش-تىڭ كاليفورنييا شتاتىندا دۇنيەدەن وتتى. قارالى حاباردى قازاقستاننىڭ حالىقارالىق عىلىم جانە تەحنولوگييالار قاۋىمداستىعى (QIST) راستادى.

عالىم ەڭبەك جولىن قىتاي عىلىم اكادەميياسىندا باستاپ, كەيىن نوبەلь سىيلىعىنىڭ لاۋرەاتى ساميۋەل تينگتىڭ عىلىمي توبىنا قوسىلعان. ول شۆەيتساريياداعى CERN ۇيىمىندا جانە ETH Zürich ۋنيۆەرسيتەتىندە قىزمەت اتقارعان. كەيىن اقش-تا مەديتسينالىق تەحنولوگييالار سالاسىندا زەرتتەۋلەر جۇرگىزىپ, وكپە وبىرىن ەرتە انىقتاۋعا ارنالعان جاساندى ينتەللەكت تەحنولوگيياسىن ازىرلەۋگە ۇلەس قوستى. مانات ماۋلەنبايۇلىنىڭ عىلىم مەن يننوۆاتسييا سالاسىنداعى ەڭبەكتەرى حالىقارالىق عىلىمي قاۋىمداستىق ۇشىن ماڭىزدى مۇرا بولىپ قالماق.