Älemge tanımal qazaq ğalımı, fizik äri önertapqış Manat Mäulenbaywlı AQŞ-tıñ Kaliforniya ştatında dünieden ötti. Qaralı habardı Qazaqstannıñ halıqaralıq ğılım jäne tehnologiyalar qauımdastığı (QIST) rastadı.

Ğalım eñbek jolın Qıtay Ğılım akademiyasında bastap, keyin Nobel' sıylığınıñ laureatı Samyuel Tingtiñ ğılımi tobına qosılğan. Ol Şveycariyadağı CERN wyımında jäne ETH Zürich universitetinde qızmet atqarğan. Keyin AQŞ-ta medicinalıq tehnologiyalar salasında zertteuler jürgizip, ökpe obırın erte anıqtauğa arnalğan jasandı intellekt tehnologiyasın äzirleuge üles qostı. Manat Mäulenbaywlınıñ ğılım men innovaciya salasındağı eñbekteri halıqaralıq ğılımi qauımdastıq üşin mañızdı mwra bolıp qalmaq.