Қазақстан мен Халықаралық электрбайланыс одағы (ХЭО) цифрлық құзыреттерді дамыту және жас мамандарды даярлау бағытында бірқатар келісімге қол қойды. Құжаттар 7 қарашада Катар астанасы Дохада жасалды.

Келісім аясында Қазақстан ХЭО-ның жас мамандар бағдарламасына қосылады. Бұл қазақстандық жастарға халықаралық тәжірибе жинақтауға мүмкіндік береді. Сонымен қатар, Африка елдерінің азаматтарына цифрлық технологиялар, бағдарламалау және жасанды интеллект бойынша 100 тегін оқу орны ұсынылады. Сондай-ақ Қазақстанда ХЭО Акселерация орталығын құру мәселесі қарастырылуда. Бастама цифрлық инновациялар мен жасанды интеллект саласындағы ынтымақтастықты дамытуға бағытталған.