Қазақстанның Ақмола және Павлодар облыстарында ауа райының қолайсыздығына байланысты жазғы дөңгелекпен жабдықталған көліктердің қозғалысына шектеу енгізіледі. Шектеу 2026 жылғы 8 қараша сағат 17:20-дан бастап күшіне енеді. Ақмола облысында Астана – Щучинск және Астана – Павлодар бағыттарындағы жол учаскелері, ал Павлодар облысында Ақмола облысының шекарасынан Шідерті кентіне дейінгі жол қамтылады. Жол қозғалысын 9 қараша күні сағат 09:00-де қайта ашу жоспарланған. Жүргізушілерге қысқы дөңгелекпен жүру және жолға шығар алдында ауа райы жағдайын ескеру ұсынылады.