تاياۋ شىعىستاعى اسكەري-ساياسي شيەلەنىستى باسەڭدەتۋ ماقساتىندا بىرقاتار مەملەكەت ديپلوماتييالىق كەلىسسوزدەردى جانداندىرۋدا. اسىرەسە قىتاي, كاتار, يران جانە ساۋد ارابيياسى اراسىنداعى بايلانىستار كۇشەيىپ وتىر. قىتاي سىرتقى ىستەر مينيسترلىگىنىڭ 2 قاراشاداعى مالىمدەمەسىنە سايكەس, قىتايدىڭ تاياۋ شىعىس ماسەلەلەرى جونىندەگى ارنايى وكىلى چجاي تسزيۋنь قاراشا ايىنىڭ باسى مەن ورتاسىندا يران, ومان جانە ساۋد ارابيياسىنا ساپار جاسايدى. كەزدەسۋلەردىڭ باستى ماقساتى – بەيبىت كەلىسسوزدەردى ىلگەرىلەتۋ جانە ايماقتاعى شيەلەنىستى تومەندەتۋ. سونىمەن قاتار, قىتاي سىرتقى ىستەر مينيسترى ۆان ي بەيجىڭدە يران مەن ساۋد ارابيياسىنىڭ جوعارى لاۋازىمدى وكىلدەرىمەن كەزدەسىپ, ايماقتىق قاۋىپسىزدىك پەن قاقتىعىستاردى ساياسي جولمەن رەتتەۋ ماسەلەلەرىن تالقىلادى. كاتار دا اقش پەن يران اراسىنداعى كەلىسپەۋشىلىكتەردى ازايتۋعا باعىتتالعان دەلدالدىق ارەكەتتەرىن جالعاستىرىپ جاتىر. ەل سىرتقى ىستەر مينيسترلىگىنىڭ مالىمەتىنشە, تاراپتار اراسىنداعى ۇسىنىستاردى ۇيلەستىرۋ جانە كەلىسسوزدەرگە جاعداي جاساۋ جۇمىستارى جۇرگىزىلۋدە.