Автор: ADMIN
اقش-تا ۇشىنشى كۇن قاتارىنان مىڭداعان اۋە رەيسى توقتاتىلىپ, كەيىنگە شەگەرىلدى,- دەپ حابارلايدى “Shalqar.kz”.
FlightAware اۆياتسييالىق دەرەكتەر قىزمەتىنىڭ مالىمەتىنشە, جەكسەنبى كۇنى اقش بويىنشا 2 300-دەن استام رەيس توقتاتىلىپ, شامامەن 7 700 رەيس كەيىنگە شەگەرىلگەن.
ال سەنبى كۇنى اۋە كومپانييالارى 6 400-دەن استام رەيستىڭ كۇشىن جويىپ, 8 مىڭنان استام رەيستى كەشىكتىرگەن. جۇما كۇنى اقش-تىڭ فەدەرالدىق اۆياتسييا باسقارماسى (FAA) اۋە قوزعالىسىن باسقارۋ جۇيەسىندەگى بايلانىس ماسەلەلەرىنە بايلانىستى ەل اۋماعىندا ۇشاقتاردىڭ ۇشۋىنا ۋاقىتشا شەكتەۋ ەنگىزگەن بولاتىن. سونىڭ سالدارىنان كوپتەگەن جولاۋشىلار اۋەجايلاردا قالىپ, اۋە كومپانييالارىنىڭ جۇمىس كەستەسى بۇزىلدى.
شون داففيدىڭ مالىمدەۋىنشە, وقيعاعا كيبەرشابۋىل نەمەسە قاساقانا ارەكەت سەبەپ بولعانى تۋرالى ازىرگە دالەل جوق. اقاۋدىڭ ناقتى سەبەبى انىقتالىپ جاتىر. مينيستر جولاۋشىلار قاۋىپسىزدىگى باستى باسىمدىق بولىپ قالا بەرەتىنىن اتاپ وتتى.
Басқалармен бөлісе отырыңыз
Пікірлер