Мир

Автор: ADMIN

Мир 2026-11-19 15:37:46

Біз әлеуметтік желілерде:

يران كۋۆەيتتەگى اقش اسكەري بازاسى مەن باحرەيندەگى نىساندارعا شابۋىل جاسادى,- دەپ حابارلايدى “Shalqar.kz”.

news single

يران 18 قاراشادا پارسى شىعاناعىنداعى اسكەري ارەكەتتەرىن كۇشەيتىپ, كۋۆەيتتەگى اقش اسكەري بازاسى مەن باحرەيندەگى بىرقاتار نىساندارعا شابۋىل جاسادى. 

يران ارميياسىنىڭ مالىمدەۋىنشە, كۋۆەيتتەگى الي ال-سالەم اۋە بازاسىندا ورنالاسقان امەريكالىق ۇشقىشسىز اپپاراتتار مەن زىمىران جۇيەلەرىنە سوققى جاسالعان. الايدا شابۋىل سالدارىنان نىساندارعا ناقتى زالال كەلگەنى تاۋەلسىز تۇردە راستالعان جوق. كۋۆەيت بيلىگى ەلدىڭ اۋە قورعانىس جۇيەسى درون شابۋىلدارىنا قارسى ارەكەت ەتكەنىن حابارلادى. ال باحرەين بيلىگى بىرنەشە اۋە شابۋىلىنا توسقاۋىل قويىلعانىن مالىمدەدى. ەل تۇرعىندارىنا قاۋىپ تۋرالى ەسكەرتۋ جاسالىپ, قاۋىپسىز جەرلەرگە پانالاۋ ۇسىنىلدى. بۇل شابۋىلدار اقش-تىڭ يراننىڭ كەشم ارالىنداعى يسلام رەۆوليۋتسيياسى ساقشىلارى كورپۋسىنىڭ زىمىران ۇشىرۋ نىسانىنا جاساعان سوققىسىنان كەيىن بولدى.

ۆاشينگتون وپەراتسييانى امەريكالىق اسكەري قىزمەتكەرلەر مەن نىساندارعا تونگەن قاۋىپكە جاۋاپ رەتىندە جۇرگىزگەنىن مالىمدەدى. ايماقتاعى جاعدايدىڭ شيەلەنىسۋى پارسى شىعاناعىنداعى قاۋىپسىزدىككە جانە حالىقارالىق ديپلوماتييالىق كەلىسسوزدەرگە قوسىمشا قىسىم تۇسىرىپ وتىر.

Басқалармен бөлісе отырыңыз
Пікірлер

Все новости


Международное интернет-издание "Shalqar kz"
Подписка на важную информацию международного интернет-издания "Shalqar kz" Будьте в курсе последних новостей Ваша электронная почта подписаться