تۇركىستاندا 17 ساۋىر كۇنى «التىن وردا كەزەڭىنىڭ تاريحي-مادەني مۇراسى» اتتى ەرەكشە كورمە وز جۇمىسىن باستادى. ەكسپوزيتسيياعا ورتا عاسىردان جەتكەن قۇندى جادىگەرلەر قويىلعان: ورنەكتەلگەن كىرپىشتەر, تاريحي تۇلعالاردىڭ بالاۋىز مۇسىندەرى, جوشى حان كەسەنەسىنىڭ كۇمبەزى, كونە مونەتالار مەن كارتالار جانە تاعى باسقا تاريحي قۇندىلىقتار, دەپ حابارلايدى Shalqar.kz تىلشىسى سىرتقى ىستەر مينيسترلىگىنە سىلتەمە جاساپ.

كورمەگە ۇسىنىلعان زاتتار ەلىمىزدەگى ىرى مۋزەي قورلارىنان الىنعان. اتاپ ايتقاندا, «ازىرەت سۇلتان» ۇلتتىق مۋزەي-قورىعى, «ۇلىتاۋ» تاريحي-مادەني تابيعي مۋزەي-قورىعى جانە قاراعاندى وبلىستىق تاريحي-ولكەتانۋ مۋزەيى وز جادىگەرلەرىمەن بولىسكەن.

بۇل كورمە – التىن وردا داۋىرىنە جاڭاشا كوزقاراس تۋدىرىپ, تاريحقا جان بىتىرۋدىڭ بىر جولى.