ال-فارابي اتىنداعى قازاق ۇلتتىق ۋنيۆەرسيتەتىنىڭ ساحناسىندا جۇرەكتەردى تەربەگەن ەرەكشە كورىنىس ورىن الدى. ۇلى اقىن اباي قۇنانبايۇلىنىڭ 180 جىلدىعىنا وراي 1000 ستۋدەنت پەن وقىتۋشى بىر مەزەتتە «كوزىمنىڭ قاراسى» جانە «جەلسىز تۇندە جارىق اي» اندەرىن حورمەن شىرقادى, دەپ حابارلايدى Shalqar.kz تىلشىسى عىلىم جانە جوعارى بىلىم مينيسترلىگىنە سىلتەمە جاساپ.

ۋنيۆەرسيتەت رەكتورى جانسەيىت تۇيمەباەۆ اباي مۇراسىن ناسيحاتتاۋ – اربىر ازاماتتىڭ پارىزى ەكەنىن اتاپ وتتى. ول قازىرگى جاستاردىڭ دانىشپان ويشىلدىڭ شىعارمالارىنا دەگەن قىزىعۋشىلىعى ارتىپ كەلە جاتقانىن ەرەكشە ايتتى.

«پرەزيدەنت قاسىم-جومارت توقاەۆ ۇلى ابايدىڭ 180 جىلدىعىن جوعارى دەڭگەيدە اتاپ وتۋگە تاپسىرما بەرگەن بولاتىن. وسىعان وراي قازۇۋ قابىرعاسىندا عىلىمي كونفەرەنتسييالار, سيمپوزيۋمدار, كەزدەسۋلەر مەن تانىمدىق شارالار بەلسەندى وتۋدە. ۋنيۆەرسيتەت جانىنداعى اباي عىلىمي-زەرتتەۋ ينستيتۋتى 2009 جىلدان بەرى تابىستى جۇمىس ىستەپ كەلەدى. ينستيتۋتتىڭ ەڭبەگىمەن 10 تومدىق «ابايتانۋ انتولوگيياسى» جارىققا شىقتى», – دەدى رەكتور.

مۋزىكا مەن رۋحتىڭ ۇيلەسكەن بۇل شارا – اباي الەمىنە دەگەن قۇرمەتتىڭ تاعى بىر ايقىن كورىنىسى.