1 مامىر – حالىقتار بىرلىگى كۇنىنە وراي الماتىنىڭ ەڭ كوپ ۇلتتى ايماقتارىنىڭ بىرى – جەتىسۋ اۋدانىندا ەرەكشە تاعامدىق رەكورد تىركەلمەك. بۇل كۇنى مۇندا “قازاقستانداعى ەڭ ۇزىن لاعمان” ازىرلەنىپ, جاڭا ۇلتتىق رەكورد ورناتىلادى, دەپ حابارلايدى Shalqar.kz.

يگى باستامانى جەتىسۋ اۋدانىنداعى ەتنو-مادەني ورتالىقتار قولعا العان. ۇيىمداستىرۋشىلاردىڭ ايتۋىنشا, شارانىڭ باستى ماقساتى – ۇلتتىق تاعامداردى ناسيحاتتاپ, تۇرلى ەتنوس وكىلدەرىنىڭ اراسىنداعى دوستىق پەن تاتۋلىقتى بەكەمدەي تۇسۋ.

ىس-شاراعا اۋدان تۇرعىندارى مەن تۇرلى ەتنوستاردىڭ وكىلدەرى بەلسەندى قاتىسپاق. ال ازىرلەنگەن لاعمان رەسمي تۇردە قازاقستان رەكوردتار كىتابىنا تىركەلەدى.

شارادا تەك تاعام ازىرلەۋمەن شەكتەلمەي, ۇلتتىق بي, مۋزىكا, قولدانبالى ونەر بۇيىمدارى مەن جارمەڭكە دە وتەدى دەپ كۇتىلۋدە. بۇل كۇن – قازاقستان حالقى بىرلىگى مەرەكەسىنە ورايلاستىرىلعان.