4 مامىر كۇنى «قازانات» اتشابارىندا شىن جۇيرىكتەر انىقتالادى. استانادا جەڭىستىڭ 80 جىلدىعىنا ارنالعان «Astana Cup» رەسپۋبليكالىق بايگە تۋرنيرى وتەدى. بۇل – كلاسسيكالىق ات جارىسى مەن ۇلتتىق بايگە تۇرلەرىن قامتيتىن ايتۋلى دودا, دەپ حابارلايدى Shalqar.kz.

جۇلدە قورى – 120 ميلليون تەڭگە. بۇل – ەلوردا تورىندە بۇرىن-سوڭدى بولماعان اۋقىمدى بايگەلەردىڭ بىرى. قازاقستاننىڭ تۇكپىر-تۇكپىرىنەن كەلگەن تاڭداۋلى تۇلپارلار ۇشقىر بايگەدە 1200, 1600, 1800 جانە 2000 مەترگە شابادى.
سونداي-اق, داستۇرلى 12 شاقىرىمدىق “توپ بايگە” مەن 18 شاقىرىمدىق “الامان بايگە” دە وتەدى.

تۋرنيردىڭ اشىلۋ سالتاناتى 4 مامىر كۇنى ساعات 12:00-دە وتەدى.
كەلۋشىلەر ۇشىن كىرۋ تەگىن.
«قازانات» اتشابارىنا بارعىسى كەلەتىندەر ۇشىن ارنايى №303, №309 جانە №323 اۆتوبۋستار قاتىنايدى.

شارانى استانا قالاسى اكىمدىگى, تۋريزم جانە سپورت مينيسترلىگى, سونداي-اق «ۇلتتىق سپورت قاۋىمداستىعى» بىرىگىپ ۇيىمداستىرىپ وتىر.