استانادا جەڭىستىڭ 80 جىلدىعى مەن وتان قورعاۋشى كۇنىنە ارنالعان اۋقىمدى اسكەري پاراد وتتى. ەرەكشە شارا ەل تاۋەلسىزدىگىنىڭ سيمۆولىنا اينالعان “قازاق ەلى” مونۋمەنتى جانىندا, تاۋەلسىزدىك الاڭىندا ۇيىمداستىرىلدى, دەپ حابارلايدى Shalqar.kz اقورداعا سىلتەمە جاساپ.

اسكەري شەرۋدى قۇرلىق اسكەرلەرىنىڭ باس قولباسشىسى, گەنەرال-مايور مەرەكە كوشەكباەۆ باسقاردى.

سالتاناتتى راسىمگە مەملەكەت باسشىسى قاسىم-جومارت توقاەۆ جانە ەلىمىزگە مەملەكەتتىك ساپارمەن كەلگەن ۆьەتنام كوممۋنيستىك پارتيياسى ورتالىق كوميتەتىنىڭ باس حاتشىسى تو لام قاتىستى.

پارادقا قازاقستان قارۋلى كۇشتەرىنىڭ بارلىق سالاسىنان 4 مىڭنان اسا اسكەري قىزمەتشى, 200-دەن استام تەحنيكا مەن قارۋ-جاراق, سونداي-اق 66 ۇشاق پەن تىكۇشاق جۇمىلدىرىلدى.

بيىلعى پارادتىڭ ەرەكشەلىگى – العاش رەت ساپ تۇزەگەن زاماناۋي تەحنيكا قاتارىندا “بۋك” جانە “تور” زەنيتتىك-راكەتا كەشەندەرى, “بارىس”, “الان”, “ايبار”, “تايماس”, “تەررەكس” سىندى جاۋىنگەرلىك ماشينالار, ميناسىزداندىرۋعا ارنالعان روبوتتار مەن ارنايى اۆتوكولىكتەر بولدى.

سونىمەن قاتار, قازاقستاندا جاسالۋى جوسپارلانعان ۇرىس تەحنيكاسى, روبوتتاندىرىلعان قايىقتار مەن ۇشقىشسىز باسقارىلاتىن اپپاراتتار كوپشىلىك نازارىنا ۇسىنىلدى.

اۋە كەڭىستىگىندە ا-400 اسكەري-كولىك ۇشاعى, L-410 جولاۋشىلار ۇشاعى جانە بي-300 پاترۋلь ۇشاعى شەرۋ جاساپ, پارادتىڭ كوركىن اشتى.

مەرەكەلىك شارانىڭ باستى قوناقتارى – ۇلى وتان سوعىسىنىڭ ارداگەرلەرى, تىل ەڭبەككەرلەرى, قارۋلى كۇشتەر مەن كۇش قۇرىلىمدارىنىڭ ارداگەرلەرى بولدى. ىس-شارا جوعارى دەڭگەيدەگى قاۋىپسىزدىك پەن تارتىپپەن وتتى.