قىزىلوردادا «ۇش داۋىردىڭ استاناسى – قىزىلوردا» اتتى رەسپۋبليكالىق ايتىس وتتى. قازاق اۆتونوميياسى استاناسىنىڭ دال وسى قالاعا كوشىرىلگەنىنە 100 جىل تولۋىنا وراي ۇيىمداستىرىلعان سوز دوداسىنا ەلىمىزدىڭ ار وڭىرىنەن كەلگەن 12 اقىن قاتىستى, دەپ حابارلايدى Shalqar.kz سايتى وبلىستىق مادەنيەت, ارحيۆتەر جانە قۇجاتتاما باسقارماسىنىڭ باسپاسوز قىزمەتىنە سىلتەمە جاساپ.

ايتىستى قر ماجىلىس دەپۋتاتى, قازاقستاننىڭ ەڭبەك سىڭىرگەن قايراتكەرى امانجول التاەۆ جۇرگىزدى. ال ايتىسقا تورەلىك ەتكەن قازىلار القاسىنىڭ قۇرامىندا ەلگە بەلگىلى تۇلعالار – ساۋىتبەك ابدىراحمانوۆ, اسانالى اشىموۆ, جۇرسىن ەرمان سىندى زييالىلار بولدى.

ساحنادا سوز ساپتاعان اقىندار ەل تاريحىن, قىزىلوردانىڭ ۇش داۋىرگە كۋا بولعان ورنىن, بۇگىنگى جاڭارعان بەينەسىن ولەڭمەن وردى. اسىرەسە جاس بۋىنعا ۇلگى بولارلىقتاي تەرەڭ تاقىرىپتار قوزعالدى.

ايتىس قورىتىندىسى مىناداي بولدى:
 • ارنايى جۇلدە – جانسايا مۋسينا مەن بەكارىس شويبەككە;
 • III ورىن – ماقسات اقانوۆ پەن رۇستەم قايىرتايعا;
 • II ورىن – مۇحتار نييازوۆقا (ۇش دۇركىن «التىن دومبىرا» يەگەرى);
 • I ورىن – مەيىربەك سۇلتانحانعا;
 • باس جۇلدە – سارا توقتامىسوۆاعا بۇيىردى.

قىزىلوردانىڭ رۋحاني مۇراسى مەن تاريحي سالماعىن جىر ارقاۋىنا اينالدىرعان بۇل ايتىس – ۇلتتىڭ رۋحىن كوتەرەر مادەني وقيعاعا اينالدى.