الماتى قالاسىندا جەرگىلىكتى اتقارۋشى ورگاندار مەن ازاماتتىق قوعام وكىلدەرى اراسىنداعى ديالوگتى دامىتۋ ماقساتىندا كەزدەسۋلەر وتۋدە. شاراعا اۋداننىڭ بەلسەندى تۇرعىندارى, ۇكىمەتتىك ەمەس ۇيىمداردىڭ باسشىلارى جانە مەملەكەتتىك ورگانداردىڭ وكىلدەرى قاتىسۋدا.
كەزدەسۋدە قازاقستان رەسپۋبليكاسى «قوعامدىق باقىلاۋ تۋرالى» زاڭى تۋرالى تۇسىنىك بەرىلىپ, ازاماتتىق قوعام مەن جەرگىلىكتى اتقارۋشى ورگانداردىڭ وزارا ىس-قيمىل ماسەلەلەرى قارالۋدا. ازاماتتىق قوعام مەن جەرگىلىكتى بيلىك اراسىنداعى وزارا ارەكەتتەستىكتىڭ زاماناۋي قۇرالدارى تۋرالى بايانداپ, «قوعامدىق باقىلاۋ تۋرالى» زاڭعا شولۋ جاسالۋدا.
     ىس-شارالار الماتى قالاسى قوعامدىق دامۋ باسقارماسىنىڭ «جەرگىلىكتى اتقارۋشى ورگاندار مەن ازاماتتىق قوعام اراسىنداعى ديالوگتى دامىتۋ» جوباسى اياسىندا حالىقارالىق «جاناشىر» قورىنىڭ ۇيىمداستىرۋىمەن جۇزەگە اسىرىلۋدا.
   «جوبا ماقساتى – جەرگىلىكتى اتقارۋشى ورگاندار مەن ازاماتتىق قوعام وكىلدەرى اراسىنداعى ديالوگتى دامىتۋ. قالانىڭ 8 اۋدانىندا مەملەكەتتىك ورگاندار مەن ازاماتتىق سەكتور وكىلدەرى - اۋداننىڭ بەلسەندى تۇرعىندارى, باق, ۇەۇ, قحا, كاسىپوداقتار, پارتييالار جانە ت.ب. اراسىندا وزەكتى ماسەلەلەردى تالقىلاۋ ماقساتىندا كەزدەسۋلەر وتكىزىلۋدە. جوباعا الماتى قالاسى قوعامدىق كەڭەسىنىڭ مۇشەلەرى دە بەلسەنە اتسالىسۋدا», - دەيدى شارانى ۇيىمداستىرۋشى حالىقارالىق «جاناشىر» قوعامدىق قورىنىڭ پرەزيدەنتى جاڭىل اپەتوۆا.
   الماتى قالاسى قوعامدىق كەڭەسىنىڭ مۇشەلەرى مارات كاليمولدين, ەرمەك كوجامسۇگىروۆ, بولات كۇرىمباەۆتار ازاماتتىق قوعام مەن جەرگىلىكتى اتقارۋشى ورگانداردىڭ وزارا ىس-قيمىل ماسەلەلەرى مەن ديالوگتى دامىتۋ مەحانيزمدەرى جايلى كەزدەسۋ قاتىسۋشىلارىنا تۇسىندىرۋدە. بىلىكتى زاڭگەر, PhD دوكتورى روزا ەرەجەپقىزى ازاماتتىق قوعام مەن جەرگىلىكتى بيلىك اراسىنداعى وزارا ارەكەتتەستىكتىڭ زاماناۋي قۇرالدارى تۋرالى بايانداپ, «قوعامدىق باقىلاۋ تۋرالى» زاڭعا شولۋ جاسايدى.
            اۋدان بەلسەندىلەرى تاراپىنان الداعى بولاتىن سەمينارلارعا تاقىرىپتار ۇسىنىلىپ, كەلەلى ماسەلەلەردى بىرلەسىپ شەشۋ جولدارى ۇسىنىلۋدا.
       الداعى ۋاقىتتا قازاقستان رەسپۋبليكاسى «قوعامدىق باقىلاۋ تۋرالى» زاڭىن جۇزەگە اسىرۋ مەحانيزمدەرى جانە اۋداننىڭ كەلەلى ماسەلەلەرىن شەشۋ جولدارى بويىنشا ازاماتتاردى وقىتۋ سەمينارلارى جوسپارلانعان.
     سەمينارلار بىتكەن سوڭ اربىر اۋداننىڭ ازاماتتىق قوعام وكىلدەرىنەن تۇراتىن ساراپشىلار توبىنىڭ ەلەكتروندىق بازاسى قۇرىلادى. ولار اۋدان ازاماتتارىنا كەڭەستەر بەرىپ, كەلەلى ماسەلەلەرىن شەشۋ جولىن بيلىكپەن بىرگە شەشۋىنە كومەكتەسەتىن بولادى.
سونىمەن قاتار, پروبلەمالىق ماسەلەلەردى شەشۋ الگوريتمدەرى ازىرلەنبەك.
     
     وسىلايشا, جوبا بارىسىندا قالا اۋداندارىنداعى كەلەلى ماسەلەلەردى ۋ-شۋسىز, ساياسي ساۋاتتى, مادەنيەتتى تۇردە بيلىكپەن سىندارلى ديالوگ ارقىلى شەشەتىن, جەرگىلىكتى اتقارۋشى ورگانداردىڭ تيىمدى جۇمىس ىستەۋىنە قوعامدىق باقىلاۋدى زاڭ اياسىندا جۇزەگە اسىراتىن ساراپشىلار توبىنىڭ جۇمىسى جولعا قويىلماق.

بايلانىسۋ ۇشىن: تەلەفون\WhatsApp +7 707 324 0176; +7 700 862 8454