23 маусым күні Астанада Қазақстан полициясы күніне арналған ерекше шоу өтеді. ЭКСПО аумағында ұйымдастырылатын дрондар шоуы түнгі аспанды түрлі бейнелермен көмкеріп, көрерменге ұмытылмас әсер сыйламақ, деп хабарлайды Shalqar.kz.

Шараның басты бөлімі саналатын шоу сағат 22:00-де басталады. Мыңдаған жарық дрондар заң мен тәртіп сақшыларына деген құрметті әуе кеңістігінде бейнелеп көрсетпек. Бұған дейін мұндай ауқымды дрондар шоуы Астанада сирек өткізілген.

Кештің атмосферасын қыздыра түсетін концерттік бағдарлама сағат 21:00-де басталып, мерекелік кешке көрік қоспақ.

Бұл шара – полиция қызметкерлерінің еңбегін бағалау мен қоғамдағы рөлін құрметтеудің жаңа форматы деуге болады.