23 ماۋسىم كۇنى استانادا قازاقستان پوليتسيياسى كۇنىنە ارنالعان ەرەكشە شوۋ وتەدى. ەكسپو اۋماعىندا ۇيىمداستىرىلاتىن دروندار شوۋى تۇنگى اسپاندى تۇرلى بەينەلەرمەن كومكەرىپ, كورەرمەنگە ۇمىتىلماس اسەر سىيلاماق, دەپ حابارلايدى Shalqar.kz.

شارانىڭ باستى بولىمى سانالاتىن شوۋ ساعات 22:00-دە باستالادى. مىڭداعان جارىق دروندار زاڭ مەن تارتىپ ساقشىلارىنا دەگەن قۇرمەتتى اۋە كەڭىستىگىندە بەينەلەپ كورسەتپەك. بۇعان دەيىن مۇنداي اۋقىمدى دروندار شوۋى استانادا سيرەك وتكىزىلگەن.

كەشتىڭ اتموسفەراسىن قىزدىرا تۇسەتىن كونتسەرتتىك باعدارلاما ساعات 21:00-دە باستالىپ, مەرەكەلىك كەشكە كورىك قوسپاق.

بۇل شارا – پوليتسييا قىزمەتكەرلەرىنىڭ ەڭبەگىن باعالاۋ مەن قوعامداعى رولىن قۇرمەتتەۋدىڭ جاڭا فورماتى دەۋگە بولادى.