Астана күні аясында ұйымдастырылған мерекелік отшашу елордалықтарды ерекше әсерге бөледі. 6 шілде күні кешкісін Ботаникалық бақ аумағында өткен бұл шараны тамашалауға 100 мыңнан астам адам жиналды, деп хабарлайды Shalqar.kz.

Фейерверк сағат 23:00-де басталып, 5 минутқа созылды. Бұл уақыт ішінде аспанға 1 700-ден астам отшашу атылып, қаланың үсті түрлі түске боялды. Шара демеушілердің қолдауымен ұйымдастырылды.
Осы күні “Астана Арена” маңында өткен концертте Қазыбек Құрайыш, аты аңызға айналған «Дос-Мұқасан», жастардың сүйіктісі 6elucci, Жанар Дұғалова, Әли Оқапов, Лимба және басқа да танымал әртістер өнер көрсетті.
Әкімдіктің хабарлауынша, қала күні аясында 100-ден астам мәдени-спорттық іс-шара ұйымдастырылған.