2025 جىلى 2 قازاندا الماتى قالاسىندا «تسيفرلىق مەملەكەت پەن ازاماتتىق قوعام: ىس جۇزىندەگى سەرىكتەستىك» تاقىرىبىندا ازاماتتىق فورۋم وتتى.

ىس-شاراعا قر مادەنيەت جانە اقپارات ۆيتسە-مينيسترى ايزادا قۇرمانوۆا, قازاقستاننىڭ ازاماتتىق الьيانسىنىڭ پرەزيدەنتى بانۋ نۇرعازيەۆا, سونداي-اق مەملەكەتتىك ورگاندار, ۇكىمەتتىك ەمەس ۇيىمدار مەن بيزنەس قاۋىمداستىعىنىڭ وكىلدەرى قاتىستى.

فورۋمدا تۇرعىن ۇي-كوممۋنالدىق شارۋاشىلىقتان باستاپ كولىك جۇيەسىنە دەيىنگى قالالىق ينفراقۇرىلىمدى تسيفرلاندىرۋ ماسەلەلەرى قاراستىرىلدى. قاتىسۋشىلار تسيفرلىق اشىقتىقتى تالداۋ قۇرالدارىن, مەملەكەتتىك ساتىپ الۋ, مۇلىكتىڭ مەنشىك يەلەرى بىرلەستىگى مەن پاتەر يەلەرى كووپەراتيۆتەرىنىڭ قىزمەتىنە مونيتورينگ جۇرگىزۋ, سونداي-اق تۇراقتى دامۋ ماقساتتارىنا قول جەتكىزۋ اياسىندا تسيفرلىق پلاتفورمالار مەن قوسىمشالاردى قولدانۋ تاجىريبەسىن تالقىلادى. ەرەكشە نازار حالىقتىڭ ارتۇرلى توپتارىنا زاماناۋي تسيفرلىق سەرۆيستەردىڭ, سونىڭ ىشىندە دەنساۋلىق ساقتاۋ سالاسىنىڭ قولجەتىمدى بولۋىنا اۋدارىلدى.

فورۋم اياسىندا «مەنىڭ قالاما ارنالعان ۇزدىك يدەيالار» اتتى الەۋمەتتىك جوبالار كورمەسى ۇيىمداستىرىلدى. كورمە قورىتىندىسى جاسالىپ, جەرگىلىكتى قاۋىمداستىقتاردىڭ الەۋمەتتىك ماسەلەلەرىن شەشۋگە باعىتتالعان كرەاتيۆتى باستامالار انىقتالدى.

فورۋم تاجىريبە الماسىپ, ناقتى شەشىمدەر شىعارۋعا ارنالعان الاڭعا اينالىپ, تسيفرلاندىرۋ جاعدايىندا مەملەكەت پەن ازاماتتىق قوعامنىڭ تيىمدى وزارا بايلانىسىنا جاڭا مۇمكىندىكتەر اشاتىنى سوزسىز.