قر ۇلتتىق اكادەمييالىق كىتاپحاناسىندا جازۋشى, حالىقارالىق ادەبي «الاش» سىيلىعىنىڭ لاۋرەاتى, قازاقستاننىڭ قۇرمەتتى جازۋشىسى ادىلبەك ىبىرايىمۇلىنىڭ «ارزۋ» رومانى مەن «جالعىز جولاۋشى» حيكاياتتار مەن اڭگىمەلەر جيناعىنىڭ تانىستىرىلىمى وتتى, دەپ حابارلايدى Shalqar.kz “مادەنيەت جانە اقپارات مينيسترلىگىنە” سىلتەمە جاساپ.

ىس-شاراعا مەملەكەت جانە قوعام قايراتكەرلەرى, اقىن-جازۋشىلار مەن كىتاپحانا وقىرماندارى قاتىستى.

«ارزۋ» رومانىندا قازاق ەلىنىڭ قازىرگى جاعدايى, عارىشتى يگەرۋ ماسەلەلەرى, جەرىمىزدەگى سيرەك مەتالل مەن دەيتەريي سۋى جانە باسقا دا تاقىرىپتار قامتىلعان. تۋىندىنىڭ اتاۋىنداعى «ارزۋ» سوزى پارسى تىلىنەن ەنگەن, ماعىناسى – ارمان, تىلەك, قالاۋ, قۇشتارلىق دەگەن ماعىنا بەرەدى.

ال «جالعىز جولاۋشى» جيناعىندا اۆتور بىرنەشە حيكاياتتار مەن اڭگىمەلەردى توپتاستىرىپ, تۇرلى تاعدىرلار مەن قازىرگى داۋىردى شەبەر سۋرەتتەگەن.