T. Jürgenov atındağı Qazaq wlttıq öner akademiyasında wlı aqın, oyşıl äri kompozitor Abay Qwnanbaywlınıñ 180 jıldığına arnalğan «Wyıqtap jatqan jürekti än oyatar» attı poeziya jäne muzıka keşi ötti, dep habarlaydı Shalqar.kz “Mädeniet jäne aqparat ministrliginiñ” telegramm kanalına silteme jasap. İs-şarağa önersüyer qauım, sonday-aq akademiyanıñ wstazdarı men studentteri jinaldı.

Keş «Jelsiz tünde jarıq ay» änimen aşılıp, körermen Abaydıñ özge de tanımal şığarmaların birge orındap, erekşe ruhani köñil-küy qalıptastırdı.

Bağdarlamada «Jarq etpes qara köñilim ne qılsa da...», «Ayttım sälem, Qalamqas», «Segiz ayaq», «Qarañğı tünde tau qalğıp», «Esiñde bar ma, jas küniñ?» jäne basqa da klassikağa aynalğan änder şırqaldı.

Abaydıñ öleñderi koncertmeysterlerdiñ süyemeldeuimen oqıldı. Keşte belgili mädeniet jäne öner qayratkerleri öner körsetti. Sonımen qatar akademiyanıñ wstazdarı men studentteri de sahna törinde özderiniñ joğarı käsibi şeberligin tanıttı.

Abay Qwnanbaywlınıñ mwrası bir ğasırdan astam uaqıt ötse de, özekti bolıp qala beredi. Onıñ öleñderi, änderi men filosofiyalıq oy-tolğamdarı bügingi wrpaqqa ruhani demeu berip, şabıttandıradı. Bwl keş wlı aqınnıñ ruhına qwrmet qana emes, wlttıq öner men ruhani qwndılıqtardı nasihattauğa bağıttalğan mañızdı mädeni is-şara boldı.