Қазақстанда 2025 жылғы Наурыз ҰБТ-сына өтініш қабылдау басталды. Тіркелу мерзімі – 15-25 ақпан аралығы, деп хабарлайды Shalqar.kz.

Өтінішті Ұлттық тестілеу орталығының app.testcenter.kz сайтында немесе UTO мобильді қосымшасы арқылы беруге болады.

Тестілеу уақыты: 1 наурыз – 5 сәуір

ҰБТ-ға кімдер қатыса алады?
 • 11 (12) сынып оқушылары (мектеп бітірушілер);
 • Шартты түрде оқуға қабылданған студенттер (ақылы негіздегі күндізгі оқу);
 • Өткен жылғы мектеп және колледж түлектері (толық оқу нысаны бойынша);
 • Қазақстан азаматтығы жоқ, бірақ ұлты қазақ тұлғалар;
 • Шетелде білім алған 11 (12) сынып оқушылары (Қазақстан азаматтары).

Тестілеу құны: 5 640 теңге

Егер сіз ҰБТ тапсыруды жоспарлап жүрсеңіз, өтініш беруді кешіктірмеңіз!