الماتىدا جاڭا جىل مەرەكەسى قارساڭىندا قالا تۇرعىندارى مەن قوناقتارى ۇشىن كەڭ اۋقىمدى مادەني-ويىن-ساۋىق باعدارلامالارى ۇيىمداستىرىلادى. مەرەكەلىك ىس-شارالار قالاداعى باستى الاڭدار مەن مادەني نىسانداردا وتەدى, دەپ حابارلايدى Shalqar.kz.

26 جەلتوقسان كۇنى ساعات 19:00–دە اباي الاڭىندا «الماتى اۋەندەرى» شىعارماشىلىق ۇجىمى جاڭا جىلعا ارنالعان «كەل, جاڭا جىل!» اتتى مەرەكەلىك كونتسەرتتىك باعدارلاماسىن ۇسىنادى. كونتسەرتتە وتاندىق ەسترادانىڭ تانىمال جۇلدىزدارى دالەل ۋاشەۆ, وكتەم التاەۆ, ديماش داۋلەتوۆ, تاحمينا اشىمبەكوۆا, «مۋزارت life» توبى, ەرىك تولەنوۆ, اسحات تارعىن, لارا رىسباي, DARO, ىنجۋ انۋاربەك, عاريفا يگىسىنوۆا, بەيبىتگۇل نۇرىمحوجينا جانە ابيك جەكسەن كوپشىلىككە كەڭىنەن تانىمال حيت اندەردى ورىندايدى. باعدارلاما بارلىق جاستاعى كورەرمەنگە ارنالعان.

27-28 جەلتوقسان كۇندەرى 18:30–20:00 ارالىعىندا اباي الاڭىندا جاڭا جىلدىق گالا-كونتسەرت وتەدى. مەرەكەلىك كەشتە ۇلتتىق ونەر مەن زاماناۋي مۋزىكانىڭ ۇيلەسىمىن ۇسىناتىن ەرەكشە باعدارلاما كورەرمەن نازارىنا ۇسىنىلادى. ساحنادا:

• «الاتاۋ» داستۇرلى ونەر تەاترىنىڭ ارتيستەرى;

• توقتار مەن بەيبىت;

• «مەلومان» توبى;

• قۋاندىق راحىم;

• «ۇلىتاۋ» توبى;

• قوسقانات پەن گاۋحار;

• «كەشYOU» توبى;

• ۇلانعاسىر قامي;

• اسەت ەسجان ونەر كورسەتەدى.

بۇل كەش مەرەكەلىك كوڭىل-كۇيمەن, وتباسى مەن دوستاردىڭ جانىندا جاڭا جىلدى ەرەكشە اتاپ وتۋگە جول اشادى.

سونداي-اق, 27-28 جەلتوقسان كۇندەرى ساعات 12:00–22:00 ارالىعىندا پانفيلوۆ كوشەسىندە «پانفيلوۆتاعى جاڭا جىل» فەستيۆالىنىڭ نەگىزگى كەزەڭى وتەدى. فەستيۆالь اياسىندا ۇش مەترلىك ماريونەتكالار, اكتەرلەر مەن زاماناۋي جارىق ەففەكتىلەرىنىڭ كومەگىمەن يممەرسيۆتى تەاترلاندىرىلعان قويىلىم كورسەتىلەدى. ەرەكشە ستسەناريي بويىنشا جازىلعان الماتىلىق جاڭا ەرتەگىگە نەگىزدەلگەن بۇل قويىلىم بالالار مەن ەرەسەكتەردى كەيىپكەرلەرمەن ەتەنە ارالاسۋعا شاقىرادى. فەستيۆالь اۋماعىندا قالالىق snow-park جۇمىس ىستەپ, كورسەتىلىمدىك سىرعاناۋلار مەن سپورتتىق جارىستار ۇيىمداستىرىلادى. جاڭا تالانتتاردى انىقتاۋ ماقساتىندا جاس مۋزىكانتتار بايقاۋى وتكىزىلەدى. فەستيۆالь اياسىندا «ەكو-شىرشا» بايقاۋى قورىتىندىلانىپ, جەڭىمپازدار اقشالاي سىيلىقتارمەن ماراپاتتالادى.

31 جەلتوقسان كۇنى استانا الاڭىندا ساعات 18:00–دەن 00:30–عا دەيىن جالعاساتىن باستى جاڭا جىلدىق كونتسەرت وتەدى. كەش بارىسىندا ماقپال يسابەكوۆا, الىشەر كارىموۆ, اقىلبەك جەمەنەي, بەيبىت قورعان, Ringo توبى, Ninety One توبى, Ayree, Astra توبى, Dakelot, داۋلەت جانبولات سىندى تانىمال ەسترادا جۇلدىزدارى ونەر كورسەتەدى.

كونتسەرت باعدارلاماسىنىڭ ەرەكشە بولىمى — DJ BATTLE. باتل بارىسىندا ديدجەيلەر جاڭا جىلدىق اۋەندەر مەن تانىمال حيتتەردى زاماناۋي ارلەۋدە ۇسىناتىن اۆتورلىق ميكستەرىن ورىنداپ, كەشكە ەرەكشە ديناميكا مەن اتموسفەرا سىيلايدى.

قازاق مەملەكەتتىك تسيركىندە 11 قاڭتارعا دەيىن «CHRISTMAS STARS» اتتى جاڭا جىلدىق شوۋ-پرەمьەرانىڭ كورسەتىلىمى جالعاسادى. بۇل مەيىرىم, دوستىق پەن عاجايىپقا تولى, ەرەسەكتەر مەن بالالارعا ارنالعان بىرتۇتاس سيۋجەتكە قۇرىلعان مەرەكەلىك قويىلىم. باعدارلامادا قولعا ۇيرەتىلگەن ەكزوتيكالىق قۇستار مەن جانۋارلار — توتىقۇستار, شيمپانزەلەر, اسەم جۇرىستى اتتار, شاعىن تۇقىمدى يتتەر جانە كورەرمەندەردىڭ سۇيىكتىسى ايۋقىزى يانا ونەر كورسەتەدى.

29 جەلتوقسان مەن 4 قاڭتار ارالىعىندا مەملەكەتتىك قۋىرشاق تەاترىندا بالالار مەن ەرەسەكتەرگە ارنالعان «مۋلьتي جاڭا جىل» مەرەكەلىك ويىن-ساۋىقتىق باعدارلاماسى وتەدى. كىشكەنتاي بۇلدىرشىندەر تۇرلى عالامدارعا ساياحات جاساپ, ليلو مەن ستيچ, ەش پەن پيكاچۋ, كيكي مەن نارۋتو جانە تاعى دا باسقا ايگىلى قاھارماندارمەن تانىسىپ, مەيىرىمدى اياز اتانىڭ كومەگىمەن ەرتەگىلەر الەمى قۋىرشاقتار ەلىنە جول تارتادى.

سونىمەن قاتار, قالانىڭ 8 اۋدانىندا ارنايى بەزەندىرىلگەن ورىنداردا كۇن سايىن اياز اتا مەن ەرتەگى كەيىپكەرلەر قاتىساتىن مەرەكەلىك كونتسەرتتەر, ويىن-ساۋىق باعدارلامالارى مەن ينتەراكتيۆتى ويىندار وتەدى.