Qazaqstan men Äzerbayjan Kaspiy teñizi arqılı jük tasımaldaudıñ tiimdiligin arttıruğa bağıttalğan «Kaspiy köpiri» attı jaña jobanı jüzege asırmaq. Jaña jüye temirjol vagondarın jükti tüsirip, qayta tieusiz teñiz arqılı tasımaldauğa mümkindik beredi.

Bwl mäsele Qazaqstan Respublikası Kölik ministrliginde ötken kezdesude talqılandı. Kezdesuge Kölik ministri Nwrlan Sauranbaev, Qazaqstandağı Äzerbayjan Respublikasınıñ elşisi Alimirzamin Aleskerov jäne AZCON Holding ökili Şahin Babaev qatıstı.

Jobanıñ negizgi erekşeligi – paromdardı temirjoldıñ jalğası retinde paydalanu. Osılayşa, vagondardağı jükti tüsirip, qayta tieudiñ qajeti bolmaydı. Bwl tasımaldau uaqıtın qısqartıp, logistikalıq procesterdi oñtaylandıruğa mümkindik beredi.

Jobanıñ bastapqı maqsatı – jılına 8 million tonna jük tasımaldau. Aldağı uaqıtta bwl körsetkişti 10–12 million tonnağa deyin jetkizu josparlanıp otır.

Intımaqtastıq ayasında «Samwrıq-Qazına» qorı men AZCON Holding «Kaspiy köpiri» jobasın dayındau jäne iske asıru jönindegi kelisimge qol qoydı. Sonımen qatar «Qazaqstan temir jolı» men «Äzerbayjan temir joldarı» Alyat portında birlesken intermodal'dı jük terminalın qwrudıñ negizgi şarttarın bekitti.

Kezdesu barısında taraptar birlesken terminaldar jelisin damıtu, keme jäne lokomotiv jasau salasındağı ıntımaqtastıqtı keñeytu, tarif sayasatın üylestiru jäne jükterdi Europağa jetkizu uaqıtın qısqartu mäselelerin de qarastırdı.

Jobanı iske asıru Transkaspiy halıqaralıq kölik bağıtınıñ, yağni Orta dälizdiñ ötkizu qabiletin arttıruğa bağıttalğan.

Bwl bağıt Qazaqstandı Kaspiy teñizi arqılı Äzerbayjanmen jäne odan äri Europa elderimen baylanıstıradı. Jaña bastama Qazaqstan men Äzerbayjan arasındağı kölik-logistikalıq baylanıstı nığaytıp, halıqaralıq jük tasımalınıñ mümkindikterin keñeytuge bağıttalğan.