Qazaqstan Prezidenti Qasım-Jomart Toqaev 1 qazanda Astanada ötken AI & Digital Bridge – 2026 halıqaralıq tehnologiyalıq forumınıñ aşılu räsimine qatıstı.

Forumğa älemdik tehnologiya jäne investiciya salasınıñ ökilderi, halıqaralıq sarapşılar men käsipkerler jinaldı. Olardıñ qatarında Network School negizin qalauşı Baladji Şrinivasan da boldı.

Memleket basşısı öz sözinde jasandı intellektini damıtu, cifrlıq ekonomikanı qalıptastıru jäne halıqaralıq tehnologiyalıq ıntımaqtastıqtı nığaytu mäselelerine toqtaldı.

Prezidenttiñ aytuınşa, Qazaqstan jaña tehnologiyalıq ekonomikanıñ berik negizin qalıptastıru üşin innovaciyalıq startaptardı qoldap, ozıq jobalardı jüzege asıruı qajet. Sonday-aq jasandı intellektini önerkäsip, energetika, medicina jäne qarjı salalarında tiimdi qoldanudıñ mañızın atap ötti.

Forum barısında Baladji Şrinivasan da söz söylep, Network School jobasınıñ negizin qalauşı retinde tehnologiyalıq damu men halıqaralıq käsipkerlik salasındağı közqarastarın ortağa saldı.

Ayta keteyik, Network School jobası Qazaqstanda jwmısın bastağan. Joba halıqaralıq tehnologiyalıq mamandar men käsipkerlerdi elge tartuğa bağıttalğan.