Автор: ADMIN
پرەزيدەنت تەلەراديوكەشەنى وكىلدەرى قىتايداعى باق فورۋمىنا قازاقستان اتىنان قاتىستى,- دەپ حابارلايدى "Shalqar.kz".
قازاقستان رەسپۋبليكاسى پرەزيدەنتىنىڭ تەلەراديوكەشەنى قىتايدا وتكەن «بىر بەلدەۋ – بىر جول» حالىقارالىق باق ىنتىماقتاستىعى فورۋمىنا قاتىستى.
ىس-شارا 3 قاراشادا قىتايدىڭ فۋتسزيانь پروۆينتسيياسىنداعى فۋچجوۋ قالاسىندا وتتى. فورۋمدى «جەنьمينь جيباو» گازەتى مەن فۋتسزيانь پروۆينتسيياسىنىڭ ۇكىمەتى ۇيىمداستىردى. جيىنعا الەمنىڭ 100 ەلىنەن 182 بۇقارالىق اقپارات قۇرالى مەن ۇيىمنىڭ وكىلدەرى قاتىستى.
فورۋم بارىسىندا حالىقارالىق اقپاراتتىق ىنتىماقتاستىقتى دامىتۋ, حالىقتار اراسىنداعى وزارا تۇسىنىستىكتى نىعايتۋ جانە جۋرناليستەر اراسىنداعى كاسىبي بايلانىستى كەڭەيتۋ ماسەلەلەرى تالقىلاندى.
جيىندا پرەزيدەنت تەلەراديوكەشەنىنىڭ قۇرامىنا كىرەتىن «Kazinform» حالىقارالىق اقپارات اگەنتتىگىنىڭ باسقارۋشى ديرەكتورى دانا رىسمۇحامەدوۆا سوز سويلەدى. ول قىتاي توراعاسى سي تسزينьپيننىڭ «بىر بەلدەۋ – بىر جول» باستاماسىن العاش رەت 2013 جىلى استانادا تانىستىرعانىن اتاپ وتتى.
سونىمەن قاتار فورۋم اياسىندا «بىر بەلدەۋ – بىر جول» اقپاراتتىق جەلىسى (BRNN) كەڭەسىنىڭ تورتىنشى وتىرىسى وتتى. وندا قاتىسۋشى ەلدەردىڭ بۇقارالىق اقپارات قۇرالدارى اراسىندا جاڭالىقتار, فوتو جانە بەينەماتەريالدار الماسۋدى دامىتۋ, بىرلەسكەن جوبالار ۇيىمداستىرۋ جانە جۋرناليستەرگە ارنالعان كاسىبي سەمينارلار وتكىزۋ ۇسىنىلدى.
ايتا كەتەيىك, پرەزيدەنت تەلەراديوكەشەنى مەن «جەنьمينь جيباو» گازەتى اراسىنداعى ىنتىماقتاستىق تۋرالى مەموراندۋمعا 2024 جىلى قول قويىلعان. قۇجات قازاقستان مەن قىتاي اراسىنداعى اقپاراتتىق بايلانىستى نىعايتۋعا باعىتتالعان.
Басқалармен бөлісе отырыңыз
Пікірлер
