Қазақстан Президенті Қасым-Жомарт Тоқаев 1 қазанда Астанада өткен AI & Digital Bridge – 2026 халықаралық технологиялық форумының ашылу рәсіміне қатысты.

Форумға әлемдік технология және инвестиция саласының өкілдері, халықаралық сарапшылар мен кәсіпкерлер жиналды. Олардың қатарында Network School негізін қалаушы Баладжи Шринивасан да болды.

Мемлекет басшысы өз сөзінде жасанды интеллектіні дамыту, цифрлық экономиканы қалыптастыру және халықаралық технологиялық ынтымақтастықты нығайту мәселелеріне тоқталды.

Президенттің айтуынша, Қазақстан жаңа технологиялық экономиканың берік негізін қалыптастыру үшін инновациялық стартаптарды қолдап, озық жобаларды жүзеге асыруы қажет. Сондай-ақ жасанды интеллектіні өнеркәсіп, энергетика, медицина және қаржы салаларында тиімді қолданудың маңызын атап өтті.

Форум барысында Баладжи Шринивасан да сөз сөйлеп, Network School жобасының негізін қалаушы ретінде технологиялық даму мен халықаралық кәсіпкерлік саласындағы көзқарастарын ортаға салды.

Айта кетейік, Network School жобасы Қазақстанда жұмысын бастаған. Жоба халықаралық технологиялық мамандар мен кәсіпкерлерді елге тартуға бағытталған.